企鵝夏水禮？

海洋公園又有新嘢玩喇！

今個週末全年證金咭會員可以優先參觀呢個新景點~

門口有一眾企鵝朋友喺度迎接我哋呀~

Yuki見到企鵝扮驚訝？

由於要營造一個適合企鵝生活嘅環境，所以呢個場館溫度袛得8度~記得自己帶定外套呀！

Yuki扮凍、Arthur扮cool!

終於見到企鵝喇~ 「HELLO！」

「shh….唔好咁大聲呀！會嚇親佢哋㗎~」

不過比起其他地方動物園見過嘅企鵝，呢班相對比較文靜，並無喺岸邊跳出跳入，袛係企定定喺度望住我哋~嘻嘻！

由於場館今日袛係試開，有部設施仲未開放~  不過賣紀念品嘅地方就開咗喇~

北極購物村，有唔同種類嘅企鵝公仔㗎~

南極奇觀七月十三號正式開幕，到時好似會再多啲嘢睇~

喺南極奇觀行出嚟，相機都未凍完矇查查，就見到新機動遊戲「極地時速」~ 係一個啱小朋友玩嘅過山車~

呢個並唔會360轉，袛係有啲左右擺嘅轉彎，應該同新加坡環球片場個飛龍過山車差唔多！

 

Yuki玩完一次好似未夠喉，話少少驚，但係跟住又捉Mommy玩多喎！

另一個未開嘅係呢間冰極餐廳~

正要離開呢度之際，見到企鵝行緊過黎俾我哋影相呀！

三十幾度高溫，今日見到海洋公園有啲新嘅消暑品：原個嘅「西瓜王」！ 切開一半俾兩隻匙羹你「畢」嚟食~

經過老大街，Yuki化身電車司機~ 唔通係揸Snoopy電車？

然後再變身交通警，包保頭先架電車暢通無阻喇~

之後到今日另一主要節目「夏水禮」~

玩泡泡派對，有泳鏡防止泡泡整親眼睛！

但係Yuki將成塊泡泡掟嚟，就無嘢保護Daddy呢！

隔離嘅玩水派對，有水槍供應~ Yuki同Arthur玩咗成三個鐘，玩到巢哂皮~

臨走玩埋Yuki自細已經必定要玩嘅氹氹轉~

哈哈！ Daddy整蠱你呀！