閒遊西貢

今日Mommy約左位台灣朋友同埋Abby姐姐一齊去西貢下午茶短敍一下～

天氣好轉，西貢變得超多人同車～ 完全搵唔到錶位～ 唯有泊低架車喺政府合署，假日宜家要成３０蚊一個鐘呀～

沿海濱行去會合Abby姐姐佢哋先！

行下、搵下，結果又嚟返呢間Cafe喇～ 門口呢兩隻木馬好易認㗎咋～

宜家出街嘅時候通常都會幫Mommy影下相俾佢放上網店同大家分享～

隨著Yuki日漸長大，宜家多一個新進model添喇～

趁著日落時份，去碼頭邊同Yuki再追加幾幅先～

Yuki真係一個好合作嘅小model～ 攝影師要求呢邊就呢邊，果邊就果邊～

唯獨係成日都想行落碼頭落海啲樓梯～ 但係有啲危險播～ 不過算喇，見Yuki咁合作，俾佢行落一級喇～

哎呀～ 原來唔記得用我哋部相機同Iris姐姐合照呀！