中式點心小廚神

今個週末參加咗一個親子點心班～

地點並唔係中式酒家或者添好運之類嘅地方喎！而係喺尖沙咀嘅Ｋ１１商場～

今日既課程包括教我哋整三款點心～　仲有齊食譜派俾我哋可以帶返屋企㗎～

第一款係做鱆魚大師～

做出嚟嘅製成品係咁樣㗎，好得意呀～

所有人先出嚟睇師傅示範一次點樣做嘅先～

跟住返埋位開始自己做喇～

將饀料放入春卷皮裏面，捲成條狀～　　然後用漿糊痴實～

睇落似漿糊啫，梗係唔係真㗎喇～　係師傅用麵粉開水整出嚟㗎～

Yuki小廚師做嘅第一個點心呀！

整好咗果幾隻鱆魚等候入炸鍋嘞～

等緊佢哋炸嘅時候不如睇下片先喇～

登登登！炸完出嚟嘅製成品～　咦！？點解同幅相爭咁遠嘅？　哈哈！

第二款係企鵝！　話咁快。。。

師傅已經做好三隻喇～

返埋位，Yuki同Mommy一人整緊一隻喇～

咦？！　排排企有三隻喎！　梗係喇～　Daddy都要有份整下㗎嘛～

Yuki姐姐，你唔好食咗三隻小企鵝呀！  ．．．因為佢哋未熟㗎！

最後一款，係大家飲茶成日都會食嘅蝦餃嘞～

師傅示範用果塊砧板幾大塊！

睇下整得幾靚！　梗係喇～　師傅做㗎嘛！　師傅話蝦餃有十三摺或以上先叫靚㗎～

Mommy好努力咁做緊佢嘅第一隻蝦餃嘞～

呢款蝦餃真係比較難做，基本上三隻都係Mommy埋尾～　嘻嘻～

Yuki呢幅捧住蝦餃期待嘅眼神可以用嚟賣廣告喎！

全部製成品完成！　Yeah!