好‧‧‧驚呀！

今年Daddy公司攪攪新意思～　居然萬聖節都有party呀！

最開心仲要係有得帶子女返公司添喎～

Yuki放學返屋企放低書包換低校服就即刻嚟Daddy公司呀～

一早已經準備咗一套小女巫服飾俾Yuki～　第一時間變身先！

跟住去搵呢位姐姐幫Yuki畫個靚靚粧先喇～

啲sample大部份都係啲恐怖樣～　Yuki當然唔多想化呢啲粧喇～　

好彩姐姐有另外一本畫靚樣嘅相簿啫～

到底Yuki揀咗畫乜嘢呢？

一撻白色嘅底色，唔係好估到乜嘢嚟喎～

呢個姐姐手勢唔錯，兩三下手劫就畫好呢隻Unicorn～

跟住到畫面喇～　Yuki永遠俾外人幫佢扮靚果陣都超級定㗎～　眯埋眼俾姐姐畫咗五至十分鐘都無郁過，眼都無開過呀！

畫完喇！睇下幾靚！

裝扮好哂，可以週圍參觀下啦～　　

不過因為好多位都佈置得好努力～　好恐怖，所以無乜影低呀～　遠遠哋、矇矇哋咁睇下喇～

嗱～　呢度就唔恐怖喇～　係May姨姨扭嘅好多波波呀～

咁多人都戴哂面具，都唔認得邊個打邊個喎～　

嘩！Yuki被捉住咗呀！　

唔使驚～　呢個係Hector叔叔之嘛～

 

幣！又嚟第二隻骷髏魔呀！

Yuki對呢隻骷髏魔面無懼色～　仲笑咪咪添播～

嘩！唔止唔驚～　仲左手捉實條頸，右手就插眼呀～

哎呀！　骷髏魔宣佈投降喇～

除低面具，回復真面目喇～　

今日呢個Party真係好好玩呀！

發掘單車徑

見Yuki開始踩得唔錯，趁呢個週末Mommy外遊，Daddy就同Yuki自己去發掘下新地點喇～

要搵一個附近可以泊車，然後又有得租單車等Daddy都有得踩吖嘛～

將軍澳寶盈花園得喎！好似有得泊車又有單車租！

車租二十蚊一個鐘，俾一百蚊按金～

戴好頭盔、護踭、護膝呢啲安全措施先～

搞掂！　出發！


將軍澳呢條單車徑唔使踩好遠就有海景睇㗎喇！

比起科學園同大尾篤，呢邊少車啲～ 對於Yuki嚟講，可以踩得輕鬆啲～

今日天氣真係好正！  我哋仲見到一大班練習緊跑馬拉松嘅視障運動員同佢哋嘅陪跑員添～

經過一輪練習，Yuki都開始越踩越定喇！ 可以踩到成十分鐘都唔使落地呀！ Yeah!

踩咗個零鐘～ 差不多喇～ 下次等埋Mommy再踩過～ 還車先知原來有半個鐘計添！ 個半鐘～ 三十蚊搞掂！ 抵！

下面就係我哋今日踩嘅路程喇！

哈囉喂－全日祭

十‧一國慶日～

我哋約咗好耐都無一齊去海洋公園嘅Arthur加埋佢弟弟Elliot齊齊去「哈囉喂」喇！

Yuki今日做咗baby-sitter全程幫手揍住Elliot㗎～

本來預計撞正十一黃金週會好迫人，但係居然比想像中少人～　好嘢！

今年嘅海洋公園哈囉喂裝飾以南瓜為主～　好過上年喇！　上年整埋好多彊屍之類嘅恐怖嘢呀！

連呢架吊車都被裝飾到變成南瓜吊車呀～

唔止呀！　真吊車都有啲變咗做南瓜車！　哈哈～

今年另一個現象係有幾個哈囉喂攤位都被一啲公司贊助～　好似下面呢個南瓜怪傑工作室就係Jetstar航空公司贊助～

另外仲有啲係M&M、Bossini之類～

襯啱啱入嚟人唔多，玩咗極地時速先！　宜家Yuki玩呢個過山車係舉高雙手咁玩㗎喇～

同Arthur嚟玩次次都有好嘢食㗎！　因為Lilian姨姨次次都會帶俾好多零食㗎～　多謝Lilian姨姨！

本來諗住喺冰極餐廳食埋晏～　點知超多人！　

唯有轉移陣地去海洋冰室喇～　可能因為位置比較唔就腳，所以海洋冰室每次都有位㗎！

呢個萬聖節兒童餐得意嗎？　

有人形漢堡牛肉～　另外仲有呢兩隻得意公仔～　一隻係綠茶慕絲，一隻係蛋沙律～

宜家兩個小朋友大個咗，有啲景點已經可以自己入去睇都ＯＫ～　好似中華鱘館就兩個人自己再入去睇咗一次～　

行返出嚟之際仲好合作咁擺甫士影幅合照添！

Yuki照顧Elliot不遺餘力～　搭吊車仲掉低於Daddy Mommy兩個，選擇陪Elliot坐Lilian姨姨佢哋果架吊車添～　

睇下Yuki笑得幾開心?! Elliot望住Yuki眼都定哂～

今日都同好多哈囉喂姐姐影咗相呀～　其實都有啲係男仔扮嘅，但係Yuki見係男仔就唔影喎～

呢啲姐姐一啲都唔恐怖～　不如睇吓下面呢幾張Yuki扮嚇人夠唔夠恐怖？

最後喺威威樂園再玩下小火車先～

又嚟成長時光倒流時間嘞～　比較一下宜家同三年半前坐小火車嘅Yuki & Arthur～

臨走玩咗滑梯－－隔離嘅斜波～　估下條褲會唔會磨穿？　嘻嘻～