考完試喇

二年級第一次考試完喇～　

所以今朝學完游水唔使即刻趕返屋企溫書～

趁上完堂十一點零鐘，未到食晏高峰時間，我地行去一蘭朝聖啦～

嗱！趁早真係爭好遠㗎～　我哋去到龍尾都袛係隔離舖咋～　

等十五分鐘左右就有位嘞～　

Yuki第一次坐呢種獨立間格嘅位，好新奇呢！　每個位仲有個私家水喉俾你自己斟水添～

嚟喇～　一睇呢碗就知係Yuki食㗎喇～　點解？　走葱同走辣嘛！

一蘭嘅湯底真係好好味喎！　食完啲麵，仲有啲湯剩喎～

Yuki老實不客氣～　「骨碌骨碌」，一啖接一啖咁飲～

睇下！　飲到俾隻碗冚住塊面喇～

真好味！　一滴都無淨喇！