上次Yuki甩第一隻乳齒，因為啱啱喺去日本滑雪旅程發生～ 唔記得幫佢開返一個換牙篇～
但係作為Yuki由出世開始嘅成長blog，點都應該要記錄一下嘅～
嚟到第二隻，同上一隻有啲唔同～ 今次隻新牙早一輪已經急不及待咁喺舊牙後面出咗嚟～
近呢個星期舊牙仔愈嚟愈鬆～
終於到尋日，Yuki話隻牙仔變得好鬆～ 仲有少少滲血添～ 証明應該當日都甩得～
不出所料，到下奏就甩咗喇～
上次甩咗果隻之後，我哋搵到呢張用嚟記低每一隻牙甩嘅日期～ 同埋順便將甩咗嘅牙貼喺張紙度～ 到集齊成張紙之後，又可以多一樣收藏入保管箱嘅成長印記！
呢個喺科學館嘅展覽，其實由上年十一月已經開始～
不過一直都搵唔到機會同Yuki去～
今日趁著喺尖沙咀參加完鋼琴比賽初賽，事先約定朋友仔豆豆一齊去睇囉～
喺天橋上面已經見到呢隻幾層樓高嘅恐龍～
我哋喺天橋上面影相都袛係到佢身體一部份咋～
我哋先喺入面行住一陣先，一路等豆豆嚟～
阿豆好快就嚟到喇～ 雙妹嘜一見面就痴埋一齊玩～ 佢哋玩緊呢個係由天花投射落嚟嘅game～ 模擬點樣發掘恐龍化石～
除咗模擬掘化石，當然亦都有介紹真正考古學家嘅工作室喇～
今次睇呢個展覽有幾多呢啲恐龍化石展出～
另外又有好多大型嘅恐龍骨模型～
雙妹嘜合照！ 呢兩個小妹妹眨下眼就七八歲喇～ 亦即係佢哋都相識咗七八年啦～
上次合照好似已經係小一入學果陣喇～
呢個展覽到四月九號咋～ 想睇就要爭取時間喇～
今日帶大家嚟將軍澳支持一下本地創意產物～
呢個喺新都城中心一連兩日嘅本地創意市集有十幾二十檔俾本地手作人參與嘅平台～
地點喺新都城中心三期Ｌ１天幕廣場～
拎住宣傳單張，我哋終於都搵到喇～
今日我哋專登過嚟捧Daddy朋友場㗎～ 佢哋個攤位叫「微觀世界」～
呢啲迷你盆景係自己親手創作，可以用嚟放喺屋企或者公司做擺設㗎～
今次佢哋喺攤位度都放咗有幾種唔同大小可供選擇～
Yuki好認真咁揀緊買邊盆好呢？
見到有一盆好靚呀！ 有兩隻龍貓添㗎～ 原來係非賣品嚟嘅～ 哈哈！
卒之Yuki揀咗呢個玻璃蘋果造型嘅～
近啲睇就可以見到造工幾咁精細，果對公仔都係May姨姨全人手製作㗎！ 係咪好靚呀！
現場除咗有嘢買，仲有嘢食添～ 憑果張單張，就可以免費換一枝棉花糖～
見到Yuki開心到咁，到底呢度嘅棉花糖有乜咁特別呢？
原來個姨姨整嘅棉花糖係一朶花嘅形狀㗎～ 仲有兩隻顏色添㗎～
果然係貫徹本地創意呢個主題，連棉花糖都咁有創意！
如果大家星期日（３月２３日）有時間，不妨中午１２點至夜晚８點都嚟捧下場喇～
