一年無見嘅冰之驕女

大家有無掛住冰之驕女系列呢？
上一次原來已經係一年前（２０１３年３月）嘅考試喇～
相隔咗一年，到底我哋嘅冰之驕女Yuki呢一年有無進步呢？

今日同大家睇下幾個動作做成點喇！

先嚟睇下近來練得最多嘅轉圈喇～　
呢個動作Yuki練咗好耐都係轉得四個圈～　終於呢兩個禮拜有幾次轉到五個圈喇！　好嘢！

另外又睇下前拉刀動作點樣？　算係純熟喇～

最後到後拉刀嘞！　呢招有啲難度～　睇下Yuki開頭試咗幾次都搵唔到把刀喺邊？哈哈！

不過，終於都做到一次呀！

Yuki佢哋其實又已經進入到下一個考試嘅階段～　但係嚟緊呢個考試轉圈嘅要求係要轉到六個圈～　暫時嚟講幾位小朋友都未係好掌握到～　希望下一次再同大家報導會有好消息喇～