大排檔風味

香港嘅大排檔已經買少見少～　

今日趁假期開始，我哋去咗大坑搵下呢間網上評分唔錯嘅「炳記茶檔」～

一到假日就好多人揸車嚟大坑，所以唔容易搵位～　我哋都係兜咗幾個圈先搵到一個位泊車～

離遠已經見到一條排隊嘅人龍～　就係呢檔嘞！

「請在此排隊」

我哋大概排喺第七八左右喇～　

排得悶悶哋～　Yuki喺行人路來回跑步！

未食早餐都咁有氣有力跑嘅？

等咗兩三個字就到我哋喇～　話明大排檔，當然係週街坐喇～　我哋張枱就係馬路上面，Yuki後面果啲就係後巷嘞～

嘢食到！　炳記必食推介：豬扒麵／奶油蜜多士

豬扒醃得好入味～　另外食落唔係果種肉質鬆散哂，而係仲有啲咬口嘅豬扒！

至於個奶油蜜多士，好似唔係普通方包～　因為我哋食到有啲提子乾粒喎！

簡單嚟講：好味！