First time @ Amigo

今日係Daddy Mommy結婚18週年紀念～

我哋嚟到一間Yuki之前未嚟過嘅餐廳─Amigo

Yuki一入到餐廳就好開心、好興奮～　因為個環境同氣氛都好grand呢～

Cheers!   Happy 18th anniversary!

頭盆有鵝肝，另一款係巴馬火腿～

喺Amigo用餐嘅顧客衣著一般比較莊重～　訂位時已提醒男士唔可以著短褲㗎～

連啲餐具都一絲不苟～　每一支都有刻著Cafe Amigo～

Yuki又幫Daddy Mommy影幅結婚紀念日合照～　

多謝Yuki喺Daddy Mommy結婚後十年嘅時候進入呢個家庭～　隨著Yuki一年一年長大，愈嚟愈覺得三個人一齊慶祝更開心～

Amigo每一次上菜都會有架餐車推埋枱邊～　留返最後幾個步驟俾你睇住做～

主菜有牛柳配帶子、另有龍蝦汁焗大蝦～　

女士們（包埋小妹妹）仲有玫瑰花收添喎～　多謝！

食到尾聲～　有三位樂師捧住樂器上嚟二樓～　

隔離枱有人生日～　所以佢哋嚟獻唱中英文生日歌～

跟住轉過嚟我哋呢邊問我哋有咩favorite song～　

我哋無特別request～　佢哋就唱咗首好好聽嘅Greatest Love Of All~

食得滿足、過得開心嘅一晚～

臨走喺地下影下咁有情調嘅環境～　　點知有一張變咗特技效果！旋轉feel!

並無PhotoShop過㗎！　不過光線不足，快門慢～　以為影完轉個手機就變咗咁嘞～

好彩補多幅～　呢幅正常喇！

Yuki’s cup cake

Yuki知道就嚟到Daddy Mommy嘅結婚紀念日，所以自動請孆話要整蛋糕嚟送俾Daddy Mommy～

呢晚付諸行動喇～　

先喺廚房準備好一切用具～

之前Yuki都幫手整過下蛋糕～　今次全程自己一個整，到底會點呢？

將材料放入不锈鋼盤搞勻～

然後仲要用電動打蛋器連埋幾隻雞蛋打一陣～　

從背後睇都覺得Yuki好認真咁製作緊～

好嘞～　Cup cake嘅材料整好哂兼倒哂落啲cup cake杯度～

放入預熱至１８０度嘅焗爐度２０分鐘左右～

啲cup cake焗到脹卜卜，好靚喎～

出得爐喇～　縮返少少水～　不過都ＯＫ吖～

Yuki都好滿意個cake cup底～

然後再用cream同朱古力粉打啲topping嚟唧喺cup cake上面～

登！登！　Yuki首次製作嘅cup cake~

Daddy Mommy好感動呀～　

Yuki真係大個女喇～　Daddy Mommy好鍾意啲cup cake呀～　真係好好味呀～

simplylife 熱潮

喺屋企附近新開咗間西餐～　間餐廳用咗頗長嘅時間裝修～　由美心快餐無做之後，同隔離嘅元氣壽司一齊開始裝修，但係元氣壽司都開咗成幾個月，呢間餐廳終於都開得喇～

即使係呢間新開嘅分店，好快已經有排隊等位嘅人龍～

到底呢間餐廳有咩魔力呢？　唔明！

呢間咪就係simplylife囉～　

下面呢副相，大家估下究竟亮點係咩呢？

呢日星期六中午時份嚟到，門口人龍大概十個人左右～　等咗半個鐘左右就有位喇～

相比起喺太古城中心果間，隨時都有幾十人排隊排到永安百貨，呢度暫時算少人㗎喇～

Brunch set有沙律或餐湯，另有主菜約十款可揀～

主菜我哋叫咗兩樣～　都係Yuki揀嘅～

先嚟呢個煙肉牛肉車打芝士漢堡～

另一樣係卡邦拿意粉～

個漢堡又厚又好Juicy～　Yuki就覺得好好味嘞～

食飽等Daddy加多杯咖啡先！　好抵飲㗎，加１２蚊咋～

繼續美食月

Mommy飛咗去韓國玩～　

Yuki同Daddy唯有兩個自己出下街搵嘢食喇～

今日再嚟銅鑼灣試另一間Mommy食過，但係Yuki同Daddy未食過嘅新嘢～

過咗食晏高峰期，兩點幾嚟到袛係等一兩個字啫～

呢間餐廳英文縮寫係ＴＷ～　　

即係荃灣？唔係！

咁台灣嘞？都唔係！　不過似嘞～

正確答案係茶木－Tea Wood　

個餐牌好多嘢都好想食～　不過我哋得果一大一小～　食唔到咁多嘢喎！

但係鎮店之寶點都唔可以錯過㗎～

等嘢食嘅時候，幫Yuki影張相先～

Mommy去親旅行，Daddy就有機會同Yuki撐下枱腳～　

有嘢食喇！　茶木名物－士多啤梨蜜糖黃金磚塊～

真係幾好味喎～　啲麵包仲外脆內軟～　搭埋啲士多啤梨、蜜糖同雪糕，好夾好味～

另一個Yuki揀嘅豬扒肉燥飯～　不過豬扒無哂～　唯有轉雞扒喇～

Yuki問啲咩菜嚟㗎～　咪係酸菜囉～　

跟住好純熟地撈勻啲肉燥同飯～　可能佢喺學校食飯都習慣咗係咁樣～

有幾鍾意食呢？　食每一啖都大大啖！一粒飯都唔嘥㗎～

最後。。。完食！　

一大一小食到飽飽抱住個肚埋單呀～

GREYHOUND in Hong Kong

應承咗大家<雪愛吃喝>陸續有來～　

快啲出去食多啲嘢嚟介紹俾大家喇～

趁Yuki啱啱呢個星期考完哂試，我哋又去搵新嘢食喇～

由泰國嚟香港嘅知名餐廳GREYHOUND喺太古城中心開咗幾個月㗎喇～

Yuki每個星期五喺太古城上音樂班嘅時候，Daddy Mommy都會喺Starbucks飲住咖啡等Yuki~ 　睇住對面嘅GREYHOUND由開張開始已經排哂隊～

今晚早少少到，好彩排隊人龍唔算太長～　等一兩張枱度～

等位時Yuki已經俾蛋糕柜啲cake深深吸引住～

嘩！件件都想食呀！　睇嚟要嚟好多次先食得哂喎～

有枱喇～　上網睇咗食評～　第一次嚟食，叫幾樣招牌菜先～

等嘢食之際有乜做呢？　影下selfie喇～　

兩母女影得好熟手播～

仲要原來係Yuki揸電話影㗎～　犀利哩！

Daddy幾大都唔執輸！　三個人一齊又影！

嘢食到喇～

GREYHOUND鎮店名物炸雞翼～　

呢款雞翼一開二嚟炸～　食起嚟好方便～

不過呢… Yuki小姐都係鍾意用手食滋味啲喎～

之後呢樣都係Yuki落嘅order~　芝士火腿焗長通粉～

咁Daddy Mommy食乜呢？　話哂泰國餐廳，點都要叫啲泰國嘢～　梗係Phad Thai喇～

最後到最精彩嘅甜品～　Chocolate Banana Crepe Cake！

好味！　好好味！　

份量十足～　一件cake我哋三個人分都ＯＫ～

為咗啲cake，我哋一定會再返嚟嘅！

食飽飽再喺太古城中心行陣街先～　１１月中週圍已經變哂聖誕氣氛喇～

Yuki就好喇～　Mommy同佢shopping入貨換季～　Yuki自己揀咗頂cap帽仲即刻要戴添喎～

最後為大家推介一樣著數嘢～　如果大家會儲Circle K啲印花，記得申請張iLike Card呀！

除咗每逄星期日有九五折之外，仲可以有雙倍印花㗎～　買＄２０平時一個印花，用iLike Card就有兩個印花～

快啲、快啲～　好快又儲夠１２個印花㗎喇～