Pick-up Parents Day

之前係Daddy Mommy黎接我放學，今日有機會俾我接Daddy放工喇～

Daddy公司今日搞左個Pick-up Parents Day，爺爺帶我四點半準時去到～

我地先上一層有好多會議室既地方，爺爺幫我影幅相先～

跟住我地仲有得畫圖畫，派貼紙，仲有糖同出奇蛋添～

今日除左我仲有好多哥哥，姐姐，妹妹，弟弟～ 大家都係黎接Daddy或者Mommy架～

呢層仲有一間房有好多小朋友既玩具架～

 

跟住有姐姐帶我地週圍行，去搵下自己既daddy mommy～ 見到喇～ Daddy係呢度呀！

搵到Daddy之後就係pantry開大餐喇～ 有好多開心樂園餐呀～ 我食左杯粟米同一個芝士漢堡包～

Daddy，我幫你打keyboard做下野喇～ 咁我地可以快Ｄ放工喇～

執野走喇～ Daddy～