未有水玩既海洋公園～

Daddy Mommy本來今日諗住帶Yuki去海洋公園同朋友仔一齊可以玩下水～ 所以Daddy同Yuki一早已經準備好著哂涼鞋預備濕身～

今日星期六兼且我地算係早入到去～ 輕易咁就泊到最近入口既停車場～ 嘻嘻～

每次經過呢幾隻海獅Yuki例必要影下相～ 無論果次一齊去既係邊個都好～ 獨照合照少不了～

好快地向上次Daddy因為要泊車玩唔切既「滑浪飛船」進發～

 

不過今次其它人都唔玩呀～ 淨係得我同Daddy咋～ 坐我地前面係名符其實既「搭船」，因為呢位印度姨姨同前面佢既朋友突左一個囉（佢地五個人，隻船最多坐四個）～

好彩～ 我地衝到落黎都唔算係太濕～ Daddy好多謝Yuki今日陪返Daddy玩一次滑浪飛船呀～

下面呢張係Daddy今日裏面最滿意既一幅相～

幣喇～ 海洋館門口有兩個小朋友入左鯊魚個口度呀～

咦～ 睇真ｄ係有個小朋友咬緊鯊魚Ｄ牙咋～

呢兩位小朋友～ 跳樓機張凳唔可以坐兩個人架～ 你睇你地迫到咁樣仲咁開心～

 

Yuki呢幅獨坐既真係俾足戲呀～

係時候食個晏先喇～ 趁我地仲有最後兩張coupons～ 幫襯多次海洋冰室喇～

海洋列車高峰站出面今日有D姐姐介紹今日係世界環境日~ 佢教我地一D環保既知識同埋拋豆袋~

趁天上皇者表演未開始～ 等我同Arthur玩一轉小火車先～

哎呀～ 開始入場喇～ Arthur我地要跑快Ｄ喇～

太陽出來了～ 所以呢兩個小朋友一個檬眼，一個皺眉～

Yuki～ 睇住Daddy點樣勇敢地捐錢喇～

今日玩左另一個之前未玩過既遊戲～ 碰碰船～

 

時間都唔早喇～ 排隊搭纜車落山喇～ 以下由兩位小朋友展示今夏男女小童服飾加背囊～

呢位小妹妹做乜影影下叉哂腰呀～

最後臨走係門口同呢隻今期上演緊既馴龍記恐龍影幅相喇～

 

Yuki話今日唔夠時間玩摩天輪同青蛙跳～ 下次我地再玩過喇～