酷熱天氣警告

又係酷熱天氣警告既日子喇～

Daddy一早就吼住今日咁好既天氣～ 藍天少雲～ 梗係要去海灘游水玩沙喇～

赤柱我地黎喇～ 可能因為係星期六中午既關係，無星期日咁多人，居然泊到個靚位～ 好野～

Yuki親筆提字寫自己個名～ 又寫得幾整齊幾靚喎～

今日有兩樣新野下水～ 第一樣就係呢件新泳衣啦～ 第二樣係游水鏡～ 不過唔記得影相喎～

兩父女玩水～ 玩抛高可以玩得安心又放心喇～

今日真係好天到無朋友呀～ 個天藍到呢～ Yuki對眼仔矇到呢～

經過幾次特訓，宜家Yuki已經可以用住水泡踢腳游喇～

仲可以背泳式咁踢腳添～ Yuki! 你睇住Daddy部相機呀～