久違的吉之島兒童天地

今朝一早開始，Yuki就不停咁講話要去康怡廣場既吉之島玩～

問佢點解要去先？ 佢唔係隨便咁答話：「我想囉」之類架，佢答話：「因為好耐無去過喇！」

咁事實又真係好耐無去過喇喎！

咁好喇，見今日無乜特別安排，就一嘗Yuki既願望喇～

第一樣居然係玩呢一部要俾錢黎扮返工既「JR司機」～

呢個小司機今日唔記得著制服就黎開車喇，睇黎佢好專注緊路面既情況喎～

『司機姐姐，請問呢架ＪＲ去邊度架？』

『富良野？！ 我啱呀！』

「我就黎要夠鐘開車架喇，你要上車就快Ｄ喇！」

Yuki司機好小心地睇下仲有無人上車先關門架～

「請小心車門！ Please mind the door!」

到站喇～ 等Yuki開左門大家就可以落車喇～

今次係Yuki第一次玩呢架仿JR遊戲～ 佢好似好滿足喎～

然後Yuki同Mommy玩呢部拋圈圈遊戲～

唔好睇小呢個簡單既遊戲呀～ Yuki（緊閉雙唇地）玩得極奇認真～ Mommy亦都一臉認真地幫Yuki打氣呀～

另一部遊戲係射波波到青蛙口～

Yuki唔袛淨係郁手去按制，係成個人彈彈彈跳跳跳咁黎玩～ 哈哈！

最後，到Yuki與Mommy大對決～

大家睇得出邊個係認真對戰，邊個係單手托頭有Ｄ輕敵呢？

認真既Yuki開始發動攻勢～ 碰碰之聲此起彼落～

到底…到底… 邊個會贏呢？

Yeah!  唔使講大家都估到係邊個贏喇～

Yuki雖然贏左，但係要記住：勝不驕！