話咁快原來己經有年半無去過迪士尼喇～ 即係話上次Yuki仲係五歲，宜家已經就嚟七歲喇～
今日再入迪士尼，特別預先約定好朋友Hillary同Hannah兩姊妹一齊入去玩！
隔咗年幾無嚟，有兩個新嘅景區我哋都係第一次去～
先去造訪一下胡迪先！
哈囉！胡迪～ 反斗奇兵大本營好靚呀！
唔止得三個小妹妹一齊影㗎，Yuki都同Mommy影㗎喎～
先玩樣無咁驚嘅「轉轉彈弓狗」先喇～
喺迪士尼袛要小朋友夠膽開口問啲樂園哥哥姐姐有無貼紙的話，通常都會有㗎～ Yuki今次好明顯比起以前四五歲果陣大膽好多～
宜家好多主題樂園都會用一種方法去控制啱啱好嘅人數玩下一轉～ 方法就係每一個單位獲派發一個牌～ 譬如彈弓狗總共有２０卡，咁就會派２０個牌～ 咁就唔怕有人從後打尖喇，因為無個牌就算打到尖都唔會有得玩～
而彈弓狗遊戲嘅牌為咗配合返狗狗，所以用咗骨頭形狀～
既然今日係幫Yuki約埋朋友仔一齊玩～ 咁梗係俾佢哋一齊坐喇～
睇下兩個小妹妹笑得幾開心！
之後開始向難度出發～
玩下呢個小小似跳樓機嘅玩具兵團跳降傘～
排隊時間又係不足半個鐘！快！
未開始前，Yuki仲幾咁風騷，仲除埋鞋添～
但係當遊戲開動，然後徐徐上昇時，Yuki已漸漸有啲緊張～
然後開始果幾下忽然下墜，同埋升到頂變成小小Free fall果下離心力，即刻令到Yuki嚇親～
之後全程捉實Mommy手～
話咁快就驚完喇～
Daddy又唔執輸同Yuki影合照先～
最近網上流傳一幅相，係一個Daddy每年於同一個位置同個女影一張相，由一歲影到十六歲～ Yuki又叫Daddy要揀個地方一年影一張喎～
噴蒸氣嘅穿梭機底～ 一班小朋友都玩得好開心喎～
玩下玩下，又到四點喇～ 迫入人潮中睇下巡遊先～
今次Yuki無份喺龍尾拉縄呀～ 淨係企喺側邊睇下咋～
之後轉去玩另一個精選推介景點先～
灰熊山極速礦車～ 識得向前沖，又識向後沖嘅過山車真係第一次坐～
玩完幾分鐘，變成咁～
灰熊山通輯小鬼呀～
有人放料，三個小鬼都俾拉咗呀～
Mommy們都攰喇～ 所以派Daddy同三位靚女一齊坐咖啡杯～
進入尾聲階段～ 一定要玩下旋轉木馬喇～
咩叫玩得好開心呢？咪係好似Yuki咁囉～
最後臨要離開迪士尼，三個姐妹再一齊擺一堆Chok相添～
Yeah!
經過呢年半先再嚟玩，希望下次唔使再等另一個年半喇～
