與家姐的約會

 

早兩個星期前已經約好今日呢個約會～

家姐最近開始溜冰，咁有呢個學咗幾年溜冰嘅妹妹，梗係要約佢一齊溜下冰喇～

地點就係Yuki學溜冰嘅Megabox囉～　　

Yuki上完堂無幾耐家姐就嚟到喇～

家姐因為識踩Rollerblade，所以溜冰對佢嚟講無乜難度～　

Yuki仲教家姐又後溜，又轉圈！

家姐同Yuki相距十歲～　睇住家姐牽著Yuki嘅手一齊溜冰嘅背影，真係好多謝家姐咁照顧呢個妹！　

     

Yuki從識講嘢開始就好鍾意跟住家姐～　

平時週末返嫲嫲屋企食飯都梗會問家姐哥哥返唔返～

難得家姐又唔介意同呢個細十年嘅Yuki玩喎～　睇吓Yuki有家姐陪住笑得幾甜！

今日溜完冰未夠喉，再同家姐去玩埋科學館添～

家姐，我哋下次再約埋一齊去玩喇！