踏入滑雪嘅第三日， 太陽伯伯唔見咗！仲一路落住雪添呀！
不過絕對無損我哋嘅興致～ 成個雪場依然咁熱鬧！
今日啲雪有幾大呢？ 睇下Yuki頭髮上面袛需要一分鐘就有咁多雪痴住喇～
坐喺lift上面睇仲更加矇矓～ 加上今日有啲風，感覺上係呢幾日最凍嘅一日～
趁搭lift無嘢做，影個Yuki close-up先！
講解下Yuki呢幾日嘅頭部面部保護措施喇～ 頭盔喺雪場租嘅（¥1500 五日）/ 滑雪鏡（購自美國網購） / 頸面保暖巾（上年去韓國前香港買）～ 基本上要做到見唔到皮膚就啱嘞！
因為兩個原因： 1、露出空氣嘅皮膚會凍親； 2、露出空氣即係會曬黑，因為雪所反射嘅紫外線其實好勁㗎～
今日影嘅相唔多，但係Daddy 同Yuki有一個突破喎～ 就係Daddy自己揸機拍住Yuki滑雪囉！ 原來都幾難㗎～ 一手揸相機、一手揸poles、又要顧住前面會唔會有人、又要顧住鏡頭拍唔拍到Yuki、再加埋要顧住自己平衡！
都係俾大家睇片喇！
將近中午仲開始有啲雨添喎～
今日我哋活動範圍主要喺四號館同二號館嘅兩條lifts! 比起前兩日，再有進步呀！我哋全日都無乜跌過喇～
既然天氣麻麻地，不如今日同大家介紹下雪場其他嘢喇～
我哋住嘅六號館樓下有個Food Court～ Food Court入面最盡頭就可以入去個風呂浴場～
呢個Food Court都有十間八間餐廳，包括有：呢間叫Pink dot賣crepes嘅甜品屋
下面呢間夏威夷式熱狗三文治～
日式Food Court一定唔少得嘅：日式拉麵
當然仲有日式丼飯同咖喱喇！
通常我哋下奏三四點滑完雪就會去浸下露天風呂～ 浸完溫泉出嚟有乜嘢好得過即刻食返個Crepe做下午茶呢！（＾＿＾）☆
呢個Food Court仲有樣好得意嘅嘢！ 就係個Food Court嘅一角居然有個「足湯」㗎！
唔想沖涼浸溫泉都可以選擇淨係浸下腳㗎！
就係浸落呢條水槽，應該都坐到幾十人㗎～
平平安安又到晚餐時間！
今晚我哋食雪國鄉土餐廳～ 有魚生、三色海鮮丼、天婦羅冷蕎麥麵、兒童餐～
希望聽日太陽伯伯會出返嚟喇！ Daddy用一罐新潟啤酒為第三日畫上句號～
沒有留言:
發佈留言