復活節東莞塘夏三正遊（一）

今年嘅復活節假期Mommy安排咗Yuki同一班朋友一齊返大陸一處叫東莞塘夏三正嘅地方玩～

四月三日朝早出發～　我哋包咗直通巴士喺城市花園上車～　

由屋企行過去非常近～

全程袛需兩個半鐘連埋過關我哋就嚟到酒店喇～　呢間叫做三正半山酒店～

估唔到間酒店好大喎～　成個山頭都係酒店嘅範圍～

宜家正值復活節～　酒店大堂一角佈置咗復活節裝飾～

有啲假兔仔～　仲有啲真兔仔喎～

期待嚟緊呢三日兩夜可以盡情玩！

一層都有成六十間房～　我哋出電稊都要行成幾分鐘先去到我哋間房～

每間房都有個大露台～　宜家天氣唔熱出去坐下好舒服～

房裏面張床超大張～　打直瞓又得～　打橫瞓又得～

上到嚟第一餐喺中菜廳飲茶～　小朋友們自成一閣坐埋一枱～

飲完茶～　開始我哋第一樣節目～　

呢間酒店範圍好大～　所以穿梭於唔同設施好多時都要坐呢啲電動車～　有幾架好大架～　坐到成廿人㗎～

嚟到射擊中心～　先扮下型個個都揸支槍影下相先～

呢張係Yuki幫Daddy Mommy影㗎～

真正玩射擊果支長槍都係氣槍～　不過都算幾勁㗎～

玩完射擊我哋又玩咗啲即慶集體遊戲－麻鷹捉雞仔～

之後我哋就參加咗酒店安排嘅復活節特備活動～

先玩呢樣親子夾氣球運波波～

要鬥快由一邊運氣球去另一邊～　唔可以俾粒氣球跌落地～　如果唔係要從頭嚟過～

同Mommy玩完就到同Daddy嘞～

我哋有獎攞呀～　有公仔一隻～

第二樣遊戲係俾咗一卷厠紙我哋～　然後自己諗辦法點樣可以將一個小朋友舉起十秒以上～

我哋第一次嘗試用擯辮方式～　可惜唔夠用斷咗～

之後再嘗試就咁將好多層嘅厠紙卷埋一條～　今次就得喇！　好嘢！

獎品係酒店精美朱古力一盒～

玩完戶外遊戲再返去玩啲室內嘅～

呢個兒童遊戲室好抵玩～　住客袛係２０蚊一個小朋友任玩～

Yuki即刻變返個細路仔～　嘻嘻～

呢個遊戲室最好玩就係下面呢個～　做足哂遊繩安全裝備～　

Yuki仲好得戚咁單腳企喺條繩度舉Ｖ添～　

全場最難就係呢樣喇～　由一條木過去另一條木～　Yuki話好攰架～

晚飯於酒店出口無幾遠既一間酒家～

呢餐好豐富～　食得好飽呀～

食完晚飯～　我哋去咗其中一個朋友仔間房玩多陣添～

有益智嘅魔力橋～

仲有玩做動作猜成語～　小朋友玩得好投入呀～