復活節東莞塘夏三正遊（二）

第二朝一覺醒來～　好好陽光喎～　

行去食早餐經過房間走廊有陽光透射入嚟～　真係有啲布吉嘅resort feel～

喺西餐廳先食返個豐富自助早餐先～

呢朝第二個節目就係坐畫舫遊船河～

呢個湖仲有得踩水上單車～　另外亦有水上電單車～

每次可以坐廿人～　我哋人太多～　要分兩批坐呀～

Yuki同Charlotte姐姐全程都黐埋一齊玩～　影合照當然唔少得喇～

沿住湖畔有好多好靚嘅洋房～　好正呀～

坐完畫舫～　啲小朋友們要玩啲其他剌激嘢喇～

Yuki先同Evelyn玩一轉水上電單車～　Yuki坐中間～　

玩完一轉～　Yuki話又想玩多次自己揸呀～　所以今次搵咗Charlotte姐姐陪佢玩喇～

每次玩到最後果幾分鐘～　個哥哥就會出手～　等大家享受下又快又剌激嘅速度感～　睇下Yuki笑得幾開心～　啲頭髮飛哂向後呀～　哈哈！

玩完返嚟～濕哂～　　呢個伸脷樣代表咩呢？

返房換定泳衣～　咁好天可以玩水上樂園喇～

呢個水上樂園睇落幾好玩～　不過玩落就一般啫～　

因為個啲滑水梯唔係好夠滑～　Yuki同Mommy喺入面要自己郁下郁下先落到嚟～

咁過隔離呢啲室外泳池喇～　其實呢邊嘅池就喺一啲叫親水房出嚟嘅泳池～

自己搵嘢嚟玩～　今次到玩咩呢？

見唔見到相裏面有個橙色物體喺空中？　係部防水相機呀～

原來今次係玩抛相機鬥快搶～

之後我哋返酒店裏面果個室內泳池再繼續遊～

呢邊有好多不同嘅按摩池～　Yuki坐緊呢個係全身按摩椅／床～

水中猜包剪揼～

Charlotte姐姐一個孭兩個游呀游～　好勁呀～

遊完水繼續玩不停。。。

梳洗完畢再去咗Hanzel佢哋房玩飛行棋～

玩下玩下～　又一個鐘～　係時候食晚飯喇～

今晚嘅晚飯喺酒店食自助餐～

呢度嘅自助餐都唔錯喎～　嘢食都幾多～　兼且質素都OK～

今晚加送月全蝕～　呢度天色好好～　睇得好清楚呀～

食飽之後～　再嚟多個節目～　訂咗個坐幾十人嘅卡拉ＯＫ房大家喺裏面又唱又跳～

由朝玩到晚嘅第二日話咁快就完喇～