今日一早就有另一位教練教James佢哋一家～ Yuki掹車邊跟埋一齊上半日～ 嘻嘻～
Yuki好認真咁上堂呢～ 比起尋日有進步喎～
練到攰攰地～ 坐底抖抖先喇～
當Yuki喺呢邊上堂之際～ Daddy同Mommy呢？
Mommy就陪咗Daddy去搵下救護站睇睇隻手喇～
點知救護站哥哥話要檢查就要去醫院先有～ 問過information counter大除夕應該醫院仲有開～ 最近嘅係富良野火車站旁邊嘅富良野醫院～
因為已經係大除夕，所以醫院有部份部門都已經放假～ 得返急症室有開～ 醫生幫Daddy做咗啲檢查，醫生話應該關節骨骼無大問題～ 應該係扭親膊頭肌肉之類～
日本睇嚟都係醫藥分家～ 所以醫院都係開藥單俾Daddy過隔離間藥房買藥～ 其實係藥貼呀～
睇完醫生，Daddy繼續做遊客週圍行下喇～ 富良野車站有呢個好有特式嘅建築物～
行上去可以清楚睇到富良野車站月台同路軌～
行返落地面就見到呢個富良野站入口喇～
喺車站望上山其實就係我哋酒店對面果個山同滑雪場嚟㗎～
Daddy橫掂無得滑雪～ 有的是時間～ 所以喺富良野市內漫無目的地閒逛下～
經過一間超市入內睇下喇～
今日係大除夕～ 超市內好多人都為過年做準備～
睇下呢個禮盒裝係乜？ 原來食油都有禮盒裝㗎～
仲有就係好多嘅一盤盤過年新鮮食品～ 有魚生拼盤～ 唔使４千円～
過年海鮮雜錦鍋材料～
毛蟹～
仲有其他御節料理～
當然唔少得仲有新年佈置用品喇～
Daddy行到差不多時間返去滑雪場同大家匯合食晏～
今日天氣好好呀～
Yuki同James以酒店做背景影幅靚相喇～
匆匆食過午餐～ Yuki同Mommy自己繼續上山練習～
影Selfie影得不亦樂乎呢～
呢幅好型呀～ 兩個媽咪加兩個小朋友～ 四個snowboarders！
喺山上影嘅相真係零舍靚㗎～ 睇下Yuki隨便一跪嘅甫士都好正呀～
Mommy呢幅仲正！
多謝Yuki同Mommy影低呢啲靚影俾Daddy睇呀～
咁Daddy另一邊廂下奏又做咗乜呢？
就係去咗富良野神社喇～ 喺呢度順便同大家解釋下喺富良野隨街好難截到的士～ 因為好少車～ 反而要打電話電召的士～ 更好嘅係不論酒店、餐廳、舖頭甚至便利店都會幫你打電話～
本來諗住聽日新年，今日神社都應該會有人～
點知。。。水靜河飛～ 人影都唔多個～ 不過咁樣反而好舒服～ Daddy可以慢慢細細欣賞同影下相～
環境寧靜～ 內心更寧靜啊～
真係無諗過有機會嚟睇落哂雪嘅富良野神社～
佈滿積雪嘅鳥居份外美麗呀～
橫掂無乜人～ Daddy仲影咗幾張自拍照呀～
喺神社隔離就係呢間富良野小學～ 更重要係相中果塊石頭就係北海道中心點所在地喇～
愈行愈大雪～ 都係快啲返酒店喇～
今晚食完飯～ 幾個小朋友喺休息區一齊玩乜呢？
原來係玩緊iPad！
到咗九點左右～ 有除夕素麵六十客免費供應～ Yuki同Daddy唔執輸～ 整返碗喇～
聽日就係一月一日元旦日喇～ 處處都有呢啲日本過年鏡餅～
沒有留言:
發佈留言