六個家庭１０個大人９個小朋友一齊出遊喇～
我哋分兩批出發～ 第一批１５人先喺機場一齊食個午餐先～ 咁高難度居然喺翠華外面都俾我哋搵到張１５人坐得哂嘅枱～
今次我哋仲同埋公公一齊去旅行添呀～ 好開心呀～
食飽準備好出發未？ 先頭部隊嘅７個小朋友～
我哋坐港龍嘅航班直達高雄機場～
話咁快個零鐘就到高雄喇～ Yeah!
大家先坐的士去酒店Check-in先～
Daddy同Yuki第一次踏足高雄咋～ 感覺好新鮮～ 高雄比起台北無咁多高樓大廈～ 睇到瞭濶嘅天空～
我哋好好彩呀～ 的士司機叔叔話之前成個禮拜都落雨～ 今日開始好天咋～
呢間就係我哋喺高雄嚟緊呢三日住嘅漢來大飯店喇～
間房喺廿七樓～ 嘩！個景好靚呀～
把握時間！快啲出去行下街喇～
去到台灣梗係第一時間幫襯下珍珠奶茶喇～
大家各適其式～ 鍾意飲乜就飲乜啦～
近近哋行去大立精品商場嘅誠品睇下嘢喇～
睇睇下書，居然變咗睇馬卡龍？！
Mommy買咗一盒十二個等大家一齊分享～
一人一個馬卡龍～ 呢啲叫做Pre-dinner dessert～ 哈哈！
好喇～ 出發去食晚飯嘅地方喇～
呢間叫做便宜坊～ 唔該哂Mommy既好朋友Iris姐姐一早幫我哋安排好～
小朋友坐埋一枱～ So happy！
便宜坊源於北京～ 呢個爐就係便宜坊嘅特色無火悶燒爐～
唔使明火～ 烤出嚟嘅填鴨減少雜質～
烤好嘅鴨由呢位喺北京嚟嘅廚師哥哥幫我哋片～
今晚嘅菜式超級豐富又好味～ 食極都未完～ 哈哈～
等Yuki為大家介紹呢兩位好朋友：Iris姐姐同佢嘅老公瑋瑋哥哥呀～ 今次旅程好多嘢都係多得Iris姐姐幫我哋安排咋～
小朋友們非常開心地食完今次台南之旅嘅第一餐～ 晚安～
沒有留言:
發佈留言