新行程～

今日朝早如常上完playgroup，跟住去醫生度打左支肺炎鏈球菌預防針，呢支針係打大脾，唔係打pat pat架。

我o係屋企食完中午果餐粥粥，Daddy就提議左個新行程，去一個我出世之後都未再去過既地方～　
就係－－西貢喇～

本來Mommy仲諗住我入去果程車會瞓一覺啦，點知我又唔係好眼瞓喎，半個鐘多少少我地就到左西貢喇～

嘩～　呢度好多魚魚、蝦蝦、蟹蟹，仲有好多我都唔知係咩既野添呀！

我地行左出去碼頭影相，大家睇下我宜家唔鍾意俾Daddy Mommy拖住行架。





個碼頭邊仲有好多艇仔賣Ｄ魚魚俾岸上面既人，Daddy話第日等我識食海鮮就買番屋企煮黎食喎～





到我開餐既時間喇～　原來o係Ｄ長凳度吹住海風咁食奶好舒服架～

之後我地行左去碼頭公園入面既餐聽食個TEA，當然係Daddy Mommy食，我無份啦～

呢個水牛城雞亦都幾特別喎！













至於我－－咪玩下個’留座’牌囉～