福岡之旅 - 友達篇

Yuki 係日本反斗城玩既時候，見到個日本姐姐，yuki 除左想同姐姐玩，仲繼續表現佢愛tidy up既一面：

點解又寫返福岡？因為yuki病左，再次取消原定既摘士多啤梨之旅，唯有搵返福岡之旅既點滴同大家分享下囉！

Yuki，你要快Ｄ好返呀！

坐車車~

今晚Mommy帶住Yuki搭車去金鐘，有個好心姨姨讓位比Yuki，Yuki自己坐係度，仲識得用手仔扶住，大個女啦！

學日文 - a i u e o

Humpty Dumpty

Humpty Dumpty sat on the wall

Humpty Dumpty had a great fall ....

呢首係PG學既歌，yuki都幾鍾意架，成日都同daddy mommy一齊唱！

 

從IE媽既Blog看到黃金海岸有humpty dumpty，仲有直昇機玩，mommy又見今日咁好天氣，咪諗住同yuki去玩下囉，點知直昇機無開到，無得玩！

 

不過，我地都有影到Ｄ靚相：

 

復活節假期-食食食

本來呢個復活節假期計劃左去士多啤梨園玩架~ 可惜天公不造美, 星期六落左好大既雨, 所以mommy同d aunties 都決定改期喇~

結果, 星期日我地就過左一個漫無目的既遊車河, 加食野, 加遊車河, 加食野既一日行程勒~

 

我地分別去左港島南區食晏啦~

呢度係一間最近重開既越南餐廳~

 

 

 

呢度既裝修都幾有越南加法國既特色~ 我宜家最鍾意去d餐廳有梳化既卡位, 因為我可以行黎行去~ 唔使被困係baby seat度, 哈哈~

 

 

 

下午茶於九龍太子一日式coffee shop~ 又係有梳化位, 好野~

 

 

 

夜晚再返港島東一間沖繩日本料理~

佢地有幾樣野都幾好食~

 

包括呢個炆牛肋骨

 

 

 

 

 

同呢個沖繩排骨拉麵.  佢既麵幾特別架~ 介乎烏冬與拉麵之間~

福岡美食 - 後記

今次去完福岡返黎先發覺我地係福岡既時候都無機會食到一樣宜家好當造既食物~ 本來一心諗住係返香港之前一定可以係機楊買到喇~ 點知行哂成個機場都無呀~

好彩! 番到黎香港俾DADDY係APITA既超市發現到'佢'既踪跡喇~

'登~登~' 各位唔好流口水喇~

呢D就係福岡博多出產好出名既士多啤梨~ 呢種叫做[甜王]~ 特點係比較大粒, 形狀呈不規則~

我一試就不得了~ 等唔切Mommy餵我, 你地睇下我成粒渣住食~ 食得幾開心~ 嘻嘻~

福岡之旅 - 番外篇

Yuki，你幾時開左間Club架？

其實係Daddy取巧地將店名Club Yu Kids拍成Club Yuki罷了！而Club Yu Kids就是小yuki玩波波池的地方，收費相宜，每小時500yen～

福岡之旅 - 購物篇

黎到日本，我梗係要血拼一下啦～

 

呢到係Akachan，好多BB野買架！

我D片片同奶粉，都係呢度買架！

 

 

我地黎到Comme Ca Store，媽咪去左揀衫衫，我就係度油顏色。

 

 

 

日本既反斗城好大間，又無乜人播，我可以係度玩到夠。

 

 

 

Yuki，你買乜呀？做乜一叫就走？

shopping實錄：

福岡之旅 - 動物篇

今次福岡之旅, 有一隻動物多次係我身邊出現~

而我亦會每次扮番呢隻動物既叫聲:'嘩~吼~' 到底呢隻動物係乜呢? 係下面幅相你地就會見到架喇~

見到未呀? 係呀~ 咪就係獅子囉~  呢隻獅子其實係獅子王既舞台劇. 宜家係福岡既運河城劇場做緊, 所以去到福岡既任何地方都會見到呢個海報架~

福岡之旅 - 美食篇

日本出名多美食，等我為食Yuki為大家介紹下啦：

呢個就係我好鍾意食既麵麵啦！（Yuki口中既麵麵其實包括烏冬同拉麵）

我大個女架啦，唔使人餵，自己識食啦，係咪好叻叻呢？

呢個早餐食既包包，係Mos Burger既出品，おいしい！

咁耐都未有野食架，快Ｄ啦，好心急呀！

我等左好耐既親子飯終於到啦，好野！

福岡有唔少有特色既屋台，本來Daddy Mommy好想入去試下，但怕地方太細，我會唔習慣，所以最後都係無入去。

呢間係Dino EE介紹既餐廳，客人可以自己釣魚，釣到之後即刻食。我地坐既地方係一隻船黎架，係咪好有特色呢！

我仲同Daddy邊玩邊等野食添呀～

除左正餐，仲有雪糕食呀，嘻嘻！

福岡之旅 - 溫泉篇

去日本一定要去浸下溫泉，我雖然得一歲半，都有份去浸下玩下架～

我同媽咪一人拎住一個袋，入面有日式浴衣同毛巾。咦，點解我個袋藍色既，Mommy果個明明紅色架？

我咁細個，其實無浴衣架，我只係幫Daddy拎住先咋！

呢間溫泉旅館設備完善，有專供小朋友玩既地方，仲有漫畫書同卡通片睇，大人去左浸溫泉，小朋友就可以係度玩下。

我太細個，唔可以自己去玩，所以我地就租左「家族風呂」，我地一家三口可以自己係入面浸。我都有浸下架，不過淨係對腳仔囉！

福岡之旅 - 玩樂篇

５日４夜的行程，小yuki不停咁玩玩玩～

嘩，好多波波呀～

呢Ｄ波波識飛既？





仲有新奇玩意，我以前未玩過架：
















媽咪陪我坐車車






爹地同我坐飛船








我似唔似去shopping呀?

原來去旅行係咁好玩架，yeah yeah yeah！

福岡之旅 - 出發篇

３月７日，期待以久的福岡之旅正式展開。

出發前，作了一連串的準備，參考過好友的”機倉緊急應變小組”，以及上次去澳門及珠海的經驗，花了一晚時間，把所有行李收拾好，行李入面放左三寶，包括psp，書及麵包，有左三寶，希望Yuki可以乖乖，不要來個大鬧機艙。


天未光，我地已經出發，總共有大小行李箱各一，私家ＢＢ車一架，背囊一個，還有沒有上鏡的相機袋一個。

到了機場，小yuki已經比平時興奮，這個興奮狀態，維持了５日４夜，好利害耶！

第一次搭飛機，難免有少少不習慣，起飛時有少許扭計，這時三寶中的psp發揮作用，barney的音樂聲響起，小yuki已經變得乖乖，數分鐘後，就進入夢鄉了。Yeah Yeah Yeah！

呢個呢個呢個???

Yuki，你講乜呀？

排排坐~

等我介紹下我班好朋友比大家識先 ：

首先，去拎Ｄ盤黎先。。。。。。
喂，Bear Bear，你唔好起身呀，sit down please！　大Poonさん，你睇實小Poonさん，唔好比佢四圍走！　唉哎，Elephant，你可唔可以乖Ｄ呀，不如我抱住你啦！
終於攪掂，放好左啦！

介紹開始，由左至右：大Poonさん，Bear Bear，小Poonさん，Panda，仲有我攬住既Elephant。

咁大家知唔知我最鍾意係邊個朋友呀？

Playgroup and Toys Library~

今日既PG同平時有D唔同，就係多左個朋友仔一齊去，佢就係Arthur仔啦！


Arthur：喂，Yuki，你咪掛住烚眼瞓，上堂要專心Ｄ呀～

Yuki：Arthur，我無呀，有少少攰之嘛！同埋呢個故事我聽過架啦～

上完PG，我仲同Arthur仔一齊去公園玩~　睇下我地幾開心：

玩到攰左，就梗係食野啦！之後呢？仲有節目架，就係去左玩具圖書館玩啦！

媽咪，記住下次再約埋Arthur仔一齊去玩呀～