探探小熊貓

海洋公園開左個新設施－亞洲動物天地。

呢幾日Yuki已經時不時講「新Panda，新Panda」新Panda即係小熊貓，舊Panda即係大熊貓喇～

未入場已經好興奮喇～

 

 

 

呢度就係新開既亞洲動物天地喇～佢係一個好大個用透明頂包住既地方～裏面既冷氣都幾勁架～大家記得帶件外套去呀～

 

 

 

 

 

 

 

等我為大家介紹呢度幾種新既動物喇，佢地分別係小熊貓，娃娃魚，大熊貓，鱷魚，同有Ｄ特別種類既金魚～

 

 

 

 

呢Ｄ就係我地黎睇既主角－小熊貓喇～不過兩隻都好懶咁係度瞓覺～想影個好Ｄ既角度都影唔倒添～

咁唯有用另一個方法影正面喇，預備－－笑！

仲有個小熊貓背囊架～大家如果有興趣買，可以去亞洲動物天地出口個紀念品店有售～

為左支持保育大熊貓，等我同Mommy表示少少心意先～

今日另一個好開心既原因係終於都可以坐到大氣球喇～之前幾次去到因為種種原因（太大風唔開／成個氣球唔知收左去邊度幾個月）都坐唔到，今次終於玩到喇～ 雖然等左足足一個鐘，上到去好高咁望落黎真係幾特別架～

 

 

 

 

搭埋纜車過去睇下好耐無去既海洋館，見下Ｄ鯊魚朋友呀，魔鬼魚呀咁喇～

 

 

 

 

跟住去睇埋Yuki係咁提住要睇既Dolphin，三點半開始果場，我地兩點九就去霸定位。

 

因為淨係坐係度等，坐得一陣Yuki已經開始有D眼瞓，好彩最後都捱到表演開始。

 

 

不過一散場都未到纜車站就瞓著左喇～

 

 

 

 

好鍾意睇住瞓到好似樹熊既Yuki呢！