公益金百萬行

（補相於最底）

一個好大既挑戰！無論對Yuki來講，或者對Daddy Mommy來講～

十公里距離～ 四小時行程～ 到底Yuki可唔可以完成呢?

朝早八點半到達大球場，然後等候嘉賓包括特首進行開步禮～

好多大機構都有好多員工參與～ 大家都為左善事不遺餘力～

主禮台有新城DJ做司儀～

原來Daddy Mommy都係第一次入黎改建後既大球場咋～

等左兩個鐘，終於都出發到喇～ 沿住樂活道上山～

好快到左第一個服務站喇～ 即係行左四份之一

跟住進入無車路段，上斜啦～

好快又黎到第二個服務站～ 排隊去流動洗手間先～ 即刻行左一半喇～

呢個天氣行山好舒服，唔會好熱，又有Ｄ陽光～

經過香港仔隧道出口，離遠見到海洋公園呀～

行多唔夠一個鐘，又到第三個服務站喇～ 呢度有奶茶派俾大家飲，補充體力～

最後一段行多四十五分鐘就會到終點～ 要加油啊～

香港仔水塘就係前面喇～

見到喇～ 見到喇～ 見到水塘喇～ 即係就黎到終點喇～

完成喇～ Yuki好犀利呀～ 自己行足全程，無扭過計要抱～ 叻女呀!

Daddy Mommy獎勵Yuki食杯雪榚喇～

希望黎緊我地都可以自己去行多Ｄ山喇～

(補返張行畢全程紀念相，代受助機構多謝有份贊助我地既親戚朋友)