迎兔的老鼠

當然唔係真正既老鼠啦～ 係米奇老鼠呀～ 為迎接新年，米奇同佢既朋友都已經換上過年既新裝喇～

 

適逢迪士尼開幕五週年，正門既米奇同小仙子都係為左慶祝五週年而設架～

著新年服飾既米奇同米妮實在太多人排隊影相喇，所以Yuki唯有同呢個米奇米妮鮮花裝飾影啦～

一場黎到，一定要幫米奇同小仙子慶祝一下佢地係香港既五歲生辰既～ 唔該哥哥幫我地影幅合照呀～

上面果張高飛狗其實係俾小朋友去到唔同既影點貼相關既貼紙，要貼滿八張就有禮物換架喇～

有美人魚～

長壽既龜龜～

七個小矮人～

貝兒公主未變公主前既裝扮～

燈神～

準備等飛天巡遊開始喇～ Daddy做乜唔同Yuki坐呀～

（因為Daddy要過對面影得清楚Ｄ嘛）

小飛象帶頭出場～

 

又一個開心到飛起既示範喇～

再睇睇片添～

花車過左，仲一齊幫手拎住條繩跟車尾～

 

上次Yuki想畫畫不過無時間，今次一定要記得畫呀～

呢兩個小朋友到底想俾人睇佢地畫既米奇，定係無面見人呢？

今晚Yuki同豆豆各自都有約，所以未天黑就走喇～

 

行到去噴水池再同豆豆展示今日既貼紙收獲～

原來黃昏時間影出黎又幾靚架喎～