新年假期開始了～

小朋友真幸福～ 聖誕假期過左無幾耐，宜家又到農曆新年喇～

 

各大商場亦都好快卸下聖誕妝，換上充滿中國氣氛既佈置～

太古城中心，無上年果個懷舊老街咁大型，不過影出黎效果都唔錯既～

今年既冬天比往常凍得耐，大家既衣著亦比較有冬天既氣氛，即係更有新年既氣氛喇～ 頸巾加厚褸，很新年的感覺～

跟住黎到時代廣場，有好多顆好大既真桃花樹，比起太古城中心既假桃花樹，你地鍾意邊種呢？

轉場景之間，Yuki仲去修一修左個髮蔭，整靚個頭過新年呀～

拎住時代廣場門口財神派既利是，Yuki先同大家拜個早年～

之後再轉戰維園年宵市場～ 開左袛係第二日，但係今日已經好多人呀～ 希望各個檔主都可以做多Ｄ生意過一個開心既新年喇～

至於Yuki對於年宵支持左Ｄ乜野呢?

睇下呢檔，睇下果檔，有公仔，有汽球，有風車，要邊樣好呢?

開估喇～ 呢個係咪應該叫子母風車呢? 一個大加一個細～

 

大家準備好過年未呀? 星期一就係年廿八，清潔好屋企準備迎接新年喇～