My first trip (8/19-20) の 二

換好哂泳衣，我地就向泳池出發喇～

個泳池都唔算太多人，除左主池，仲有個滑水梯，另外有個按摩池（不過係熱水黎架）。　不過呢，我就同Daddy對個泳池興趣大D嘞，我拍水拍到自己同Daddy成面濕哂添呀～


玩左成個鐘，我都唔捨得上水～　一上水就手指指住個泳池要再落去玩～　嘻嘻！
大家有冇發現唔見左Mommy呢，其實佢去左幫我拍video呀，而家就去片比大家睇啦～



上房沖完涼我地又出發喇～　趁未天黑，我地入左氹仔。　Daddy同 Mommy以前拍拖既時候都黎呢度影過相架～　　行下行下都行到天黑lu～　呢條街好多手信賣架，好似叫做’手信街’，等我都買D手信俾爺爺麻麻先!

晚餐係食葡國菜，不過我都無份食既，但係我有日本烏冬食喎，都好好味架。一如以往，Daddy Mommy要車輪戰式食野，我食飽之後仲撩侍應姐姐哥哥玩添呀。









食完飯就搭車返酒店，打番個電話俾爺爺麻麻先！

橫掂我地一家三口都唔係早瞓既人，所以又去街街喇，近近地行過隔離既漁人碼頭影下夜景都好～　Daddy都係因為上個月夜晚黎過，覺得好靚所以同Mommy話要帶我地過黎玩下架咋～
成條街都係D好靚既屋屋，好似去左外國咁呀～

行完都九點半要返去休息啦～　第二日既行程下回再續。。。