I am Yuki Lam ~: 2月 2008

星期五, 2月 29, 2008

我的志願~

睇完段片，大家估到未呀？
我的志願咪係「圖書館管理員」囉～

Yuki: Mommy，你唔好亂講播！我只係幫手放好Ｄ書咋～！

星期日, 2月 24, 2008

長大了~

2007年2月:

左起: 卡B, yuki, 豆豆, megan, arthur

2008年2月:

左起: 豆豆, yuki, megan, arthur （可惜卡Ｂ今天未能赴會！）

一年的時間，大家都長大了，長高了，走路了，出牙了，說話了。。。。。。

星期日, 2月 17, 2008

賞櫻之旅～

sakura sakura ......　賞櫻之旅正開始。

首先，我同Daddy一齊許返個願！

然後再影返幾張櫻花靚相。

先黎一張同Mommy既合照！

然後係同Daddy，我個樣夠唔夠嬌俏呢！

最後，就係我既獨照！

整個賞櫻之旅，歷時十五分鐘，又唔需要舟車勞頓，係咪好正呢！

因為呢度唔係日本，只係蘇豪東為情人節而作出既特別裝飾咋！

至於日本...... 我就黎有得去架啦，嘻嘻！

星期六, 2月 16, 2008

新春大旅行の叁

第二日一早起身～　換好衫落去食早餐之前～　等我做下運動～　拉下筋先～　

一二三四～　二二三四～

Daddy話要試下玩自拍喎～　佢叫我同佢先試好果位置，搞掂先叫Mommy埋位～

好喇～　好喇～　Daddy望邊度呀？　果邊？

搞掂～　幾好喎，Daddy～

咁叫Mommy埋黎影喇～　「Mommy～　影全家福喇～」

好勒～　落去食個自助早餐～　嘩～　好多人呀～　尋晚都無乜人，今朝唔知點解咁多人喎～

食完早餐～　要進行我地第二日既唯一活動～　室內活動黎架～

就係同哥哥／家姐打桌球喇～　　

我第一次玩咋～　「Yuki～　
唔好用手拎Ｄ波呀～　
唔係用手拎黎玩架～」

哦～　我知喇～　咁～　咁～　咁～　丫嘛～

Mommy: 「Yuki打得有紋有路喎～」

好野～　入左波～　　
Yuki　叻叻～

如是者玩左一個鐘之後我得稍為休息就差唔多出發去碼頭返香港喇～

回程係返港澳碼頭～　o岩哂我地～　因為我地全部都係住港島區架～

呢！　呢隻就係我係預告篇影既賀年佈置喇～　今次同Mommy影返幅先～

等我地去巴士站搭巴士返屋企喇～　Daddy Mommy～　個行李咁重～　等我幫你地拎陣喇～

好喇～　呢個新春大旅行分享報導亦都告一段落～　希望下次去旅行再為大家匯報喇～　拜拜～

星期二, 2月 12, 2008

新春大旅行の貳

食完晏我地就再係漁人碼頭附近行左一陣～　影左Ｄ相相～

海泉灣既環境都幾靚架～　有少少似係外國既環境～

Mommy! 你睇我地唔戴帽帽Ｄ頭髮即刻吹到飛起哂喇～

等我正正經經咁同爺爺麻麻影番幅相先～

跟住我地返酒店Check-in埋另外幾間房就出發去神秘島喇～

一去到神秘島落左車～　我就大踏步咁走向入口～　

Daddy叫我停低影幅相都唔得～　嘻嘻～

雖然唔係海洋公園同廸士尼～　但係玩Ｄ遊戲都係要排隊～

你估我地排緊隊等乜野呢？

係馬馬呀～

即係旋轉木馬呀～

我玩一次都唔夠，一落黎就又係咁同Daddy Mommy係咁講「馬馬～馬馬～」

結果係點？　　咪就係換左Daddy同我又騎多次囉～

唔～　跟住仲有乜野適合我玩呢？

有喇～有喇～　Mommy! 果邊有小火車呀～　我地過去坐坐喇～

Daddy～　你專心Ｄ坐火車喇～　唔好淨係掛住影相先喇～　你睇爺爺係出面同我地影相呀～

玩完火車好似無乜其他野適合我咁細個既小朋友玩添～　

係呢個時侯～～　我又同Daddy Mommy講：「馬馬～」

你地睇唔睇得出今次我地同上次騎馬馬有乜野唔同呢？

家姐同哥哥呢次旅行成日都好照顧我架～　又成日同我玩～
你地睇我呢幅同家姐影既相相個甫士靚唔靚呀？

行下行下～俾Daddy見到有條係海邊既樓梯～　佢即刻捉住我同Mommy要同我地影相喎～　

好喇～　就係咁我地係神秘島既行程告一段落～　啟程返酒店喇～　因為我頭先坐樓梯坐到條褲仔污糟哂，所以要沖涼涼呀～

沖完涼見到露台透入黎既日落光線～　Daddy話呢Ｄ叫做「magic hour」～　所以即刻要幫我影低佢～

係咩幾靚呢？

後面果個就係開放式洗手間～　有一度趟門推開就可以望到個浴缸～

呢幅坐係度Mommy幫我著鞋仔既相，Daddy Mommy都好鍾意呀～

梗係啦～　有咁靚既日落陽光～　加埋我近期既新版本「笑笑眼」喎～

夜晚我地就咁係酒店入面既西餐廳食自助餐～　食完返房房Daddy Mommy同我玩左陣就到我既瞓覺時間喇～　早抖～

想知道我地第二日玩Ｄ乜野？　請大家繼續留意我個blog喇～

星期一, 2月 11, 2008

今次既旅行由年初三既清晨05:30AM開始～　我地起身既時候個天都仲未光架～

Mommy好快咁幫我開左奶奶，佢同Daddy就快手快腳咁換衫同食早餐～　好彩有Siti姐姐係度，Daddy Mommy仲有蘿白糕早餐添呀～　話咁快唔使06:30AM我地就出得門口喇～　

我地去程係中港城上船，返香港果程先係上環港澳碼頭～　好彩一行出街口就碰巧有架的士～　Lucky!

去到碼頭過關一切順利，一個鐘船程加一個鐘車程我地就去到海泉灣喇～　係珠海入境時因為關員見我係小朋友所以俾我地唔使排隊行外交人員個櫃枱～　嘻嘻～

入到酒店房～　嘩～　係有無敵海景兼露台既房房黎架～

下面應該仲有個幾靚既泳池～　不過宜家冬天無水水係裏面添～

個露台仲有張吊椅～　我同家姐同哥哥排排坐影番張合照先！　

大家留意下啦～　我好少會肯戴住帽帽影相架～

好勒～　等我地落去周圍睇下先～　

呢度係一個室內活動中心～　有羽毛球／桌球／射箭玩架～

Mommy～　你地唔好行咁快啦～　我要遂樣睇下架嘛～

登～登～登～

跟住大家就會見到我係見到Mommy等緊我之後飛奔向Mommy懷抱既連環快拍喇～

初三果日珠海都真係好凍呀～　一到室外Mommy就一定要我戴住帽帽黎行～　嘻嘻～　我似唔似一隻小企鵝呢？

行到去一個叫漁人碼頭既地方，我地搵左一間有西餐同亞洲菜既餐廳食午餐～　因為大家朝早都好早起身出門口，所以都肚仔餓喇～

我地食乜野就無得俾大家睇喇～　不過有Daddy影低左我係等野食既時候Ｄ百厭相播～　失禮哂～