迎京奧

吉之島終於都裝修完重開喇～

我地已經諗住襯星期六上奏，會少Ｄ人喇。點知原來十一點幾去到都已經幾多人～

宜家新果個遊樂場－MooRry Fantasy有個迷你旋轉木馬架，可以坐三個小朋友～ 我離遠見到已經即刻fing甩daddy隻手飛奔埋去喇！

地下果層食野既地方同餐廳都同以前唔同左好多～ 最驚喜既係俾Daddy Mommy見到係北海道既「山頭火」拉麵都係度開左呀！不過十二點未到已經好多人排隊等位喇！Mommy話咁等我地月底去北海道既旭川本店先食喇！

講得話迎京奧，當然係有Ｄ代表北京奧運既野啦！

佢地就係京奧吉祥物－－「青蛙」。。。。。 （提場聲：shh... Yuki... 係福娃呀！） 哦。。。「福娃」。。。

等我熱情地同佢地影番幾幅相先！

 

仲有一隻影漏左！交唔齊功課添～ 嘻嘻！