兒童成長檔案~

今時今日，作為一位老師，工作量真的很多。假期前收到老師為 Yuki 製作的「兒童成長檔案」，雖然每一位小朋友的檔案都是大同小異，不過 Daddy Mommy 看到後，仍然十分歡喜，希望跟大家分享一下。

檔案內全是 Yuki 的校內生活, 自己做的努作，還有跟同學的大合照。

另外，也派了 Yuki 在校內的努作，這一張是 Mommy 最喜歡的，因為除了很靚外，Yuki 還跟 Mommy 說，這個努作是把畫紙放在水裏做出來的，Mommy 覺得 Yuki 好叻呀！

崖上の波兒 (崖の上のポニョ)

自從Daddy係youtube俾我聽完呢套戲首主題曲，我已經開始對Ponyo愈黎愈鍾情～

上個禮拜去睇埋套戲之後，就更加狂熱添～ （包括Daddy Mommy)

其實上個禮拜係我咁大個女第一次去戲院睇戲咋～ Daddy Mommy估唔到我居然都好定咁睇足全場，除左最後果十分鐘先至因為唔知邊個情節突然之間大喊，搞到Mommy要抱我出外面，無得睇結局呀～

不過呢個第一次都算係好好表現，Daddy Mommy以後可以考慮再帶我去戲院睇戲架！

睇完套戲之後呢幾日又發現原來新世紀廣場有好多波兒睇，一於要去睇下喇！

 

 

 

呢度有好多Ponyo呀！

唔知邊度可以買到呢？

 

 

 

 

 

 

 

呢隻就係未變人之前既Ponyo喇～

 

 

 

 

 

 

 

 

 

呢個就係救左Ponyo既宗介喇！

 

 

 

 

 

 

 

 

 

呢間就係宗介同佢媽咪LISA住既屋喇～

可能因為佢地間屋起係崖邊，所以呢套戲叫崖上的波兒喇～

 

 

 

 

 

 

 

 

我地後面呢個就係變左人類返黎搵宗介既Ponyo喇～

 

 

 

 

 

我宜家好努力咁練緊首日本版主題曲呀！

牛年賀新禧

今年識得講好多野既我，正正式式要同Daddy Mommy拜年喇～

今年都係一如以往，去拜幾個年，係麻麻屋企同金牛加Mommy影幅賀年照先！

吉之島年初一都有開呀，對我黎講就即係有得玩，有得騎馬馬囉～

希望今年大家繼續健健康康，我地0608 BB返緊學既讀書叻叻～

K1 面試結果

經過個多月既等待，昨晚終於收到現在所就讀幼兒園的K1面試結果了～

這個多月期間，Daddy Mommy諗住學校收番我入讀K1已心滿意足了～ 豈料學校通知信上竟寫著接收入讀「K1上午班」～ 好野！

Daddy Mommy真係無諗過會可以轉到上午班呢！ 因為我宜家N1都係讀緊下午班～ 呢個真係迎接農曆年既禮物呀！

尋晚我地一番到黎屋企睇左封信，仲即刻打電話返去俾爺爺麻麻報告喜訊添呀！

希望我宜家即同班同學仔都可以多D一齊轉到出年既上午班喇！

係咪去食燒肉肉呀？

位於銅鑼灣的「伊呂波」是近期 Daddy Mommy 最愛的餐廳之一，吃的是日式燒肉。差不多每次到 「伊呂波」都是把車泊在新寧中心，今天，因為要到銅鑼灣剪髮，我們也把車泊在新寧中心，當車子駛進停車場的一刹那，Yuki 便問：係咪去食燒肉肉呀？

哈哈，原來 Yuki 跟 Daddy Mommy 一樣，愛吃「伊呂波」的燒肉呢！其實之前幾次到「伊呂波」，已發覺她吃得很乖，吃很多呢！只是 Daddy Mommy 從沒想過，在 yuki 的小腦子裏，已一早把新寧中心的停車場跟「伊呂波」劃上等號！

日本東海之旅：完結篇

好喇，到左最後完結篇，想同大家分享一下今次我係整個旅程既一輯特集－－就係「合照特集」喇！

(1) 東橫INN LOBBY既廚師公仔：

點解有三幅呢？因為我差唔多每朝起身都要Daddy幫我同佢影相相囉！

(2) Bic Camera 吹氣企鵝

(3) 高過Yuki既軟雪糕

(4) 西班牙村既公仔們：我拖住佢地黎影架

(5)  飛驒寶寶

(6) Anpanman家族

追加：小小Anpanman

日本之旅第四波－－不日上映！

日本東海之旅：名古屋市

從白川鄉又往南駕車2個多小時就回到名古屋市～

自從到左名古屋已經見過地鐵有宣傳廣告話三越百貨有個Anpanman既主題展覽～ 見番到名古屋都仲早，一於帶Yuki去搵下佢D好朋友先～

呢個係果占伯伯呀！

會場內仲有好多唔同角色既印印俾人吸架！

翌日，終於黎到今次旅程既倒數第二日喇！ 今日去左豐田汽車既發源地～ 豐田產業技術記念館～

講少少歷史先：唔講大家可能都唔知，話說現在遍佈世界每一個角落既豐田汽車，原來當年係由做織布機起家既～

我地身處既地方同身後既見築物就係約1902-1911年建立既豊田自働織布工場喇。

至於將豐田帶上汽車之路既，就係豐田佐吉既兒子－－豐田喜一郎！

佢除左將佢父親發明既自動織布機推廣到英國，佢更加吸取歐洲之旅所見所聞，返日本之後就係織布工場開設一個自動車部開始著手研製汽車～ 豐田汽車亦正式開始其孕育期，三年後（1936年）第一部豐田乘用車正式面世！

下圖有幾部大家應該都好熟悉既豐田型號：

上左：Corona  上右：Camry 

中：Crown 

下：Corolla

 

好佩服豐田父子對發明既熱誠，佢地改變左呢個世界！

日本東海之旅 : 世界文化遺產 - 白川鄉

由名古屋往北駕車大約2個半小時，就到達世界文化遺產 - 白川鄉。

 

 

 

白川鄉其實是一條小村落，很多人（包括我們）都是為了這些「合掌屋」慕名而來。

 

 

除了「合掌屋」，到白川鄉的另一理由是為了看雪。看見滿臉笑容的 yuki 嗎？（yuki = ゆき = 雪）

 

除了美景，還有美食，飛驒牛，おいしい！

 

 

 

 

 

 

 

呢兩個就係人氣手信 - 飛驒寶寶 （唔好攪錯呀，唔係 Mommy 同我呀！）

 

 

 

差啲唔記得介紹，我手上既「雪人」係 Daddy 整架，靚唔靚呢？

 

 

 

 

 

 

 

 

呢度仲有個展望台，可以望到成條村，係咪好靚呢！咦，張相唔見左我既？（因為我瞓緊覺覺豬囉！）

日本東海之旅 : 志摩市

離開前一晚住既溫泉旅館，同「女將」說過再見，我地就驅車出發向下一個目的地進發喇～

志摩市既最主力遊玩點: 西班牙村

天朗氣清的一天～ 遊玩同影相既好日子呀～

志摩西班牙村既主題公仔，唔係大家熟悉既公仔，佢有一群佢自己主題公仔～

呢度除左有我一向鍾情既旋轉木馬～

仲有好多室內既機動遊戲同其他遊戲架～

有消防員喇～

有射槍槍喇～

有大波波同跳跳玩具～

我地全日玩好多遊戲都唔駛排隊，連本地人都好少，所以玩得好開心～ 連食野既餐廳都好似包場咁架～

呢個西班牙村仲有個Bonus，就係有好多有特式既建築物～ 岩哂Daddy影相喇～

 

 

 

 

 

 

 

 

 

 

去慣香港廸士尼或者海洋公園既朋友～ 呢度提供到一個另一番既體驗架～

Yuki玩到唔捨得瞓，玩到下晝三點幾離開，一上車就瞓著左喇～

名古屋有名燒雞翼～

返到名古屋，等Yuki瞓醒，我地就去酒店隔離街一間有名既餐館食晚飯～

Mommy，呢度食乜野出名架？ 我瞓左咁多個鐘好肚餓喇～

登登！ 雞翼到喇～

下集預告：世界文化遺產