拎左我地預先租左既車，就出發向伊勢市進發！
呢間就係我地入住既溫泉旅館：千の杜
自從上次去小樽住Ｄ有私人露天風呂既溫泉旅館，宜家上左癮喇～ 我地身後面就係個溫泉池喇！
浸溫泉既相當然唔可以俾大家睇喇～ 今次我又係浸得好開心，唔肯上水呀～
溫泉旅館當然會有個特別既晚餐啦，呢晚我地就食左個松阪牛宴喇～
翌日～
一早起身出發往伊勢神宮出發～ 我地先去外宮參觀！ 入廟前先洗乾淨手仔先！
我地仲見到我一隊棒球隊黎參拜呀～ 唔知佢地係咪要去比賽呢？
睇完外宮之後，我地渣車去附近約幾公里內既內宮，點知一去到我已經瞓左覺！ 所以無乜影內宮既相lu～ 到Daddy Mommy行完要走之際我就醒左喇～
伊勢神宮外面有一堆橫丁有好多野食架～ 我地當然有掃街喇～
左邊果個係松阪牛飽飽黎架！
我同Daddy食緊炸八爪魚棒呀～
掃完一輪街，食埋伊勢烏冬，我地就出發往二見市～ 二見市有乜野睇？ 就係有一對叫做「夫婦石」既景點喇～
同晚我地入住另一間溫泉旅館～ 呢一間位於鳥羽巿～ 規模細之前果間好多，個「女將」係一個好友善既婆婆～ 佢問我地係邊度黎～ 之後仲話俾我地聽佢十幾年前都去過香港架～
食飽呢個伊勢海老加新鮮魚生晚餐，早Ｄ休息喇～ 第二日要一早去西班牙村玩呀～
沒有留言:
發佈留言