日本東海之旅 ：名古屋市、長島町

今次搭乘國泰往返名古屋～ 不過去程因為無哂直飛機位，所以搭左班要係台灣停留一小時既航班～

因為今次碰巧係元旦假期，日本人對西曆新年就好似中國人既農曆新年咁～ 有好多新年既擺設同佈置～

 

 

例如係名古屋既機場就有呢個佈置！

 

 

 

 

 

 

 

 

 

 

另外各大小商店都有好多呢Ｄ三支竹既擺設～ 有Ｄ有成個人咁高架！

撞正新年最唔方便既係一月一日真係成街都無舖頭開，我地行落地下街，睇下張相你地就知果日可以靜得幾緊要！

 

第二日搭巴士去左名古屋附近既一宮市長島町既outlet同遊樂場玩～

 

 

 

 

呢度個摩天輪好高架，應該都有廿幾卅層樓高～

 

 

 

 

 

 

 

 

仲有好多Yuki鍾意既野騎呀！ 有馬馬，Anpanman 同Thomas火車呀！

臨走我地去埋附近一個叫「冬華の競演」既公園～

呢度Ｄ燈燈花田靚到好似北海道富良野既花田咁呀！ 呢度用左超過150萬盞LED燈架！

 

 

 

光之隧道 （光の回廊）

 

 

 

 

 

 

 

 

第三日我地先去左名古屋城參觀下～ 不過我由入城到Daddy Mommy帶我離開全程瞓左覺，所以Ｄ相無我份，嘻嘻～

 

 

 

 

 

「Yuki看世界～」

 

 

 

 

 

 

 

 

 

 

 

「漫步地下鐵～」

 

 

 

 

 

 

之後我地去左一個叫Oasis21位於榮既商場～ 佢既建築頗為有名，尤其是佢一個叫做水之宇宙船既建築物，不過我地無影到～

好勒～ 之後第四日我地就會租車出發去伊勢喇～