今日Yuki參與咗一個好有意義嘅畫展～
個畫展名為「All about LOVE 愛是無涯」～ 係為香港腎病病人籌款嘅活動～
門券收入同義賣所得善款全部撥捐〈愛心力量〉～
展覽場地位於天后區嘅一個叫PopaArt嘅畫室～ 距離天后站五分鐘左右～
Yuki認真地睇住一幅又一幅嘅作品～
咦～見到用黎做海報果幅畫嘅真跡喇～
離遠見到今次發起慈善畫展嘅主人翁喇～
佢就係Angelina姐姐喇～ 今次畫展大部份嘅畫都係佢嘅作品～
呢幅畫好似係Angelina姐姐所畫嘅第一幅畫～
然後呢幅魚魚畫好特別～ 啲魚嘅背脊有啲凸出嘅質感～
Angelina姐姐介紹話個畫室仲有Art Jam㗎～ 另一邊牆上都掛咗唔少作品～ 好靚嘅鬱金香～
Yuki一聽見有得畫畫，即刻好雀躍～
又話我要用呢隻色、呢隻色、同果隻色～ 今日係睇畫展，當然唔會真係畫喇～
不過睇黎遲啲都要帶Yuki再探下Angelina姐姐喇～
呢個畫展聽日仲有一日～ 傍晚５：３０到夜晚１０：３０
請大家有時間的話支持下喇～
沒有留言:
發佈留言