家族之旅（長隆三日遊）第三日

七月三十日

前一晚漏夜送俾Yuki嘅相機，今日機不離手～

好似好鍾意呢份生日禮物喎～

 

由一早起身落去食早餐，頭都未梳就已經拎住幫我哋係咁影～

無論雙手或者單手都操作自如～

甚至乎扮埋狗仔隊趁我哋食早餐果陣偷拍我哋添～

食完早餐，離開Check-out時間仲有兩個鐘，落去泳池再玩下水先喇～

今朝好好天，好猛太陽～ Yuki戴住個泳鏡當太陽眼鏡先喇～

除左玩果幾個滑水梯之外，呢個水中韆鞦可以四個人一齊玩㗎～

坐上面玩又得，浸落水練踢腳又得～

玩左一個鐘就返上房，快速沖涼換衫執嘢趕及十二點前check-out～

因為我哋返香港嘅車係book咗傍晚五點幾，所以仲有時間行下街～

我哋搵返呢幾日一直接戴我哋果架車載我哋出市橋果邊行下同埋食晏～

內地嘅發展真係好快～ 宜家呢啲有蓋步行街真係做得似模似樣～

睇下！仲有成三層高嘅圓形麥當勞，幾特別～

行到街尾另一邊，有一個檔口仔都係麥當勞，不過就淨係賣雪糕～ Yuki第一時間去排隊買喇～ 有冇睇見仲係手持相機㗎！

軟雪糕到手了～ 仲可以加錢要埋支朱古力棒棒～

噢！ 兩三啖已經唔見咗個頂喇～ 食得咁快！？ 梗係喇，因為係Daddy食咗囉～

Yuki都不甘示弱，大啖大啖咁，食到咀角滲雪糕～ 哈哈～

正餐都未食就去食甜品～ 咁呢日嘅晏應該食乜呢？

本來打算幫襯小肥羊飲茶，但係原來晏奏都係得打邊爐～ 太heavy啦！

唯有再搵其他餐廳喇～

見到小肥羊對面有呢間香港都有嘅Saizeriya薩莉亞日本意式餐廳～ 咁就食下西餐喇～

日本意式餐廳～ 所以有意大利粉～ 又有日本啤酒Asahi～ 不過係中國制，所以好抵，RMB10一支咋～

價錢大眾化～ 我哋九個人袛需要二百幾蚊埋單～

Yuki有Boy哥哥同家姐相伴，呢三日經常都好開心～

笑得好燦爛～

要離開市橋返祈福新村時，發現有間婚紗攝影舖頭要叫Yuki影相呀～

因為間舖頭名有「公主」兩個字㗎～

返到酒店，拎返行李坐低休息陣先～

Yuki用iPad俾嫲嫲睇呢幾日影嘅相～ 有咗camera kit，可以抄啲相去iPad睇得清楚好多～

離開酒店前，影返幅全部團友大合照～ 哈哈！ 希望快啲可以再一齊旅行喇～

到達祈福巴士站～ 雖然已經傍晚成五點～ 但係西斜太陽曬埋嚟依然好熱～

架巴士因為香港上嚟果段修路，要遲多三四個字～

無所事事，又做下Daddy嘅model影影相喇～

搵埋另外兩個model一齊合照～

好多謝家姐同Boy哥哥呢幾日陪住Yuki，等Daddy Mommy可以輕鬆下～ 睇住佢哋三個雖然年齡相差成八九歲，但係都可以玩得埋，好安慰、好感恩～ 多謝！

希望不久將來我哋再一齊去旅行去玩喇～