飆上灰熊山

迪士尼宣傳灰熊山谷，喺MegaBox幾層都有唔同嘅嘢玩～

５樓有得同Mickey同Minnie合照呀～

仲有呢架實物原大嘅雙向過山車喎～ Yuki坐喺度已經好似好驚咁喇～

嘩！ 開車喇！ 好驚呀～ （但係過山車行緊無理由可以企喺度架喎）

 

換Daddy上去陪Yuki~ 兩個一齊好驚呀！！ 哈哈！

然後再喺中庭見到有棋盤遊戲，Yuki同溜冰同學仔琳琳一齊玩～

係迪士尼出，無得賣嘅棋嚟㗎～

主題同金礦有關，所以棋嘅道具包括金粒～

另外所有遊戲咭都係特別配合呢個遊戲主題㗎～

Yuki摘骰啦～ 會摘到幾多呢？

咦？ 有得抽遊戲咭喎～ 唔知張咭係乜嘢呢？

嘿嘿～ 係要所有人捐返兩枚金石出嚟～ 嘻嘻～

經過成半個鐘嘅激戰，終於有人勝出～ Yuki結尾手持一張遊戲咭同兩粒金石～

上到八樓有另一遊戲－－灰熊山谷電子遊戲～

 

戴住呢個虛擬眼鏡，模擬坐喺㗎過山車度要捉啲金石，捉得愈多愈多分～

可以兩個人一齊玩～ 所以Yuki同Mommy一齊對決～

結果係… 大家自己睇喇～ 尋金者１：２２塊金石，尋金者２：１４塊金石～ 至於邊個係尋金者１同尋金者２呢？ 我唔講喇，大家自己估喇～

最後加送都好一陣子無提過㗎冰之驕女學溜冰嘞～

今日上完堂同琳琳繼續留喺度玩～ 兩個女仔自己玩玩下居然自創呢招彎身摸鞋姿勢～

 

Yuki同琳琳都好開心播～ 玩極都唔厭～

玩玩下仲兩個夾埋一齊嚟整蠱Daddy～ 執起地下啲雪黎冰Daddy呀～ 救命呀！