今早要離開大阪喇～
臨Check-out再欣賞下呢個city view～
原來喺房呢度見到大阪Dome㗎喎～
呢間就係我哋住咗兩晚嘅大阪酒店喇～
離開酒店往租車公司～ 今日會出發南下和歌山～
呢架就係嚟緊三日會陪住我哋嘅豐田Ractics喇～
喺落和歌山中途，我哋先途經堺市～ 有個Children’s Museum Big Bang嘅兒童館～
裏面有好多小朋友遊玩設施～
宜家Yuki夠大個又夠力玩呢啲喇～
爬上樹屋輕而易舉～ 點解呢兩幅相Yuki好似大個咗咁多嘅～
再過另外一邊仲勁～ 有個橫越四層樓高嘅鐵架攀爬設施～ 小朋友必須要戴頭盔以保安全～
就係好似下面呢啲咁嘞～ 每半層樓、半層樓咁爬上去～
咁家長就可以行樓梯每半層同小朋友見一見～
哎呀～ 呢層要隔住鐵枝見添～
嗱～ 呢層就好啲喇～ Yuki可以爬到出嚟喎～
絕對推介有小朋友嘅要嚟呢度玩～ Yuki玩到唔捨得走呀～ 不過因為我哋要趕落白濱食海鮮，真係要走喇～
揸向和歌山方向，經過呢個好大嘅ＳＡ－紀之川～
幫襯返個軟雪糕先喇～ Yuki今次旅程仲專登喺京都買咗本簿仔用嚟吸印添～
呢個ＳＡ望出去好遠㗎～
再繼續向和歌山／白濱進發～ Yuki喺後座無嘢好做玩下自拍添～
終於到咗白濱嘅呢個tore tore市場喇～
呢度嚟啱時間的話會有即劏大吞拿魚睇㗎～ 我哋晏奏成四點先嚟到梗係無得睇喇～
但係仲有好多海鮮檔嘅～ 啲海鮮檔居然有啲寫廣東口語嘅牌添～ 「喺度食」
２００円一隻新鮮即劏即食帶子～ 好抵食呀～
我哋嚟呢度嘅另一目的就係買海鮮出去炭燒咁食嘞～
３０００円一份貝殼類～ 跟住出去外面呢間餐廳租張枱，就燒得喇～
個哥哥好好人～ 我哋諗住坐最外面果張～ 佢話西斜會好曬呀～
一人揸一隻帶子～ 炭燒海鮮真係好好味呀～
睇下燒到金黃色幾好味～
食完燒海鮮～ 我哋再去咗千疊敷～
呢度係由大自然經年累月所造成岩石群～
啲浪不斷咁打埋啲岩石度～ 好壯觀呀～
今日觀光點尾站就係：圓月島（円月島）
個島好特別～ 中間有個窿～
如果好彩的話～ 可以影到日落最後一刻個太陽剛剛好喺個窿度～
呢日預計六點半日落～ 我哋六點左右去到～ 先就咁影下快將日落都幾靚㗎～
最後影埋呢幅之後～ 個太陽就入咗啲雲度～ 影唔到夕陽穿過圓月島呀～
襯未天黑～ 快啲去白濱間酒店「白濱館」check-in同食晚飯喇～
傳統和式溫泉旅館晚餐～ 超豐富！
食完好滿足～ 非常飽呀～
食完返房休息一陣～ Yuki最近非常鍾意揸機影Selfie～
呢兩張喺榻榻米影嘅好唔錯喎～
Daddy Mommy應承咗Yuki出去搵下有無得賣煙花～
行咗去間大超市～ 成個貨架都係呀～ 好多唔同款，唔同價錢都有～
哈哈！Yuki開心到唔知揀邊款好呢～
落返白濱海灘就玩得㗎喇～
放好啲煙花喺沙度～ Yuki要點，但係有要驚喎～
到後尾呢啲唔係咁勁嘅就唔驚嘞～
仲可以擺好甫士嚟影添～
好嘢～ 玩哂啲煙花～ 可以返去浸溫泉喇～
浸溫泉梗係要著浴衣先有feel喇～
浸過溫泉～ 夜晚零舍好瞓呀～ 早抖～
