今年嘅暑假旅行，原本決定咗去泰國曼谷加芭堤雅～
可惜出發前一個星期，喺八月十七日發生咗爆炸事件～
我哋唯有即時轉移陣地，改去日本大阪喇～ 亦都希望曼谷快啲恢復返喇～
出發日不變之下～ 八月廿二日朝早去機場喇～
Boarding time! 好多人呢～
大阪關西空港我哋嚟喇喂～
喺機艙內～ Yuki為大家影selfie～ Daddy Mommy say Cheese!
跟住繼續揸住部iPad係咁影～
機艙外嘅景色～
機艙內嘅景色～ Yuki不同表情嘅selfie～ 哈哈！
睇下戲～ 食吓飛機餐～ 好快就到咗大阪～ 落機喇～
到咗日本～ Yuki同Mommy開心到見牙唔見眼呀～
Yuki一個人拎三個喼！ 唔係～ 係看住三個喼啫～ 唔該你呀，Yuki～
我哋第一晚唔喺大阪住～ 搭JR直去京都先～
京都站到著～ 月台有啲好靚嘅立体壁畫呀～
嘩！一出車站天都黑齊喇！
見到京都塔喺面前～ 同埋我哋今晚住嘅酒店：Kyoto Tower Hotel 喺正京都塔腳下～
Check In咗即刻放低行李出去搵嘢食喇～
返車站商場果頭十幾樓有一堆餐廳～
由地面上去有條好闊好長嘅樓梯加設咗好靚嘅ＬＥＤ燈，可以做成好多文字同圖畫嘅效果～ 如果你唔想行十幾層樓梯的話，旁邊都有自動電梯㗎～
上到十幾樓見呢間食吉列豬扒專門店好似都唔錯喎～ 等陣位喇～
不消一會～ 有位嘞～
食かつ～ 梗係有得俾你自己磨芝蔴喇～
Cheers! 飲杯～ 今次日本之旅嘅第一餐！
日本食吉列豬扒真係隨便搵都好好味～ 加埋一客日式蛋捲～ 完美！
食完嘢～ 去行下呢個車站商場個空中花園～ 呢度嘅玻璃幕好特別～ 居然可以任何角度都反射到京都塔㗎～
跟住行返樓梯落嚟～ 幫Yuki同Mommy喺呢幅咁特別嘅樓梯牆留影先～
最後喺酒店附近散步行多一陣就結束第一日行程喇～
沒有留言:
發佈留言