冰之驕女－第十九課

上星期到Hei Tung老師有事所以又一個星期無上堂～

加上今日晏左起身，去到Megabox已經無時間練習喇～

所以今日既表現可想而知～

連交叉腳都做唔返呀～ 要老師幫我踩住一隻腳黎做～

到差不多落堂先至做到返少少～ 浩浩今次好叻呀，開始做跳既動作喇～

我地下次一定要早Ｄ去練習喇～

Megabox而家有麥嘜既展覽，同校長及其他同學影下相先～

Summer camp完結作品

暑假快將完結～

Summer camp亦都係呢個星期上完～ 最後既兩堂Yuki又做左一個新既勞作作品～

今次係帶有生氣既作品黎架！ （唔係嬲果種生氣，係生命果種生氣呀）

Ｄ生氣係邊呢？ 就係左下角用裝雞蛋果Ｄ膠盒剪出黎種既幾格小植物囉～

係間屋前面既一家三口係邊個呢？

最後俾個Google Earth鳥瞰圖俾大家睇埋個後園喇～

見Yuki係呢度都學到野又幾有創意～ 開學後都會俾Yuki繼續返呢度學下野～

發掘南丫島

唔知有幾多人知道南丫島除左索罟灣同榕樹灣，原來仲有一個有水上活動既海灘：模達灣～

去模達灣並唔係中環上船，而係香港仔搭船架～ 就係珍寶海鮮舫果Ｄ碼頭隔離咋～

唔使半個鐘就到喇～ 真係幾近架～

模達灣其實好細架咋～ 一落船已經望到我地會去玩果度同間餐廳～

坐係個沙灘上面，望住個招牌都幾有去左東南亞海灘既感覺架～

係呢度玩任何野既人都一定要著救生衣，不論大人定小朋友～ 咁係好既，安全第一嘛～

呢架似水上單車既船仔其實唔係用腳踩架～ 而係用雙手搞架～ 當然仲有一個方法，就係叫Daddy係後面推喇～

除此之外，仲有一部好大好高既水上三輪車，雙人獨木舟，同埋下面呢塊超級大浮床～

眨下眼就玩左兩個幾鐘～ 呢度有得沖身，沖完涼，換過乾淨衫，叫碗公仔麵食先～

二十蚊一碗麵加送一個咁靚既無敵大海景，Daddy話俾錢都買唔到架～

Daddy話另一個俾錢都買唔到既就係有Yuki餵佢食麵喎～

既然Yuki咁乖，就等Daddy同Yuki周圍行，再影下相喇～ 嘩！踎到咁低，Daddy要趴落地下先影到喇～

剛剛日落時間到！ 拜拜喇～模達灣～

今日好多謝咁多位朋友邀請我一齊黎玩，好開心呀～

Summer camp 創作

暑假期間Yuki去左上一個Summer camp～

雖然話係camp，其實都係每日去上兩三個鐘唔同既興趣班～ 同一個地點，有畫畫，聽故事，跳舞，勞作，煮野食～

今次想同大家分享Yuki帶返黎既創作，因為呢度造出黎既勞作幾特別～

第一個係一隻企係海邊既bear bear~

後面仲有個Yuki既自畫像睇住隻bear bear添～

 

另外呢個仲特別！ 大家估下似係乜野？

據Yuki所講，呢隻係alien黎架～

全部上色同貼Ｄ頭髮同裝飾都係同地自己貼上去～

相信呢Ｄ創作絕對可以剌激小朋友既想像空間，唔需要每每做出黎既勞作都要係生活中所見過既野～

冰之驕女－第十八課

上個星期因為去左旅行暫停左一課～

今次又要Mommy先同Yuki入場練習下之前教過既動作～

原來有埋Mommy陪入去練習既時候，Yuki會可以開心到咁喎～

係咪有少少忘形咁呢？

宜家開始可以行幾步跟住溜一小段咁喇～

今堂可能有成半個鐘以上既練習，Yuki上堂既時候Ｄ動作做得好左～ 轉身動作都開始做到四份三個圈～

朱古力噴泉

Yuki話係chocolate mountain~

「唔係呀，Yuki，係chocolate fountain先岩呀～」

呢個其實係大舅父送既生日禮物，早兩日先至開黎玩～

第一樣野就要搵地方買朱古力漿，原來宜家無乜地方賣朱古力漿架～

第二樣野係原來呢件野唔係用筆芯電同三Ａ電，係用中電架～Daddy又要落街買過喇～

好野，終於開得著喇～

我地準備好棉花糖，士多啤梨，菠蘿～

Yuki自助玩得幾開心～ 多謝大舅父～

日本東北之旅: 仙台>香港 (8月10日)

終於黎到旅程既最後一日喇～

行到酒店附近另一間Coffee shop食過早餐～

出發去今日最後一個節目，行outlet shopping～

呢個outlet唔算好大，行幾個鐘先去機場剛剛好～

有間Lego shop，有個corner俾小朋友任玩～

Yuki既戰利品～ 新波鞋一對～ Ｄ顏色好靚呀～

呢個outlet mall總共有兩層～ 環境好開揚～

臨離開outlet之前，食埋個lunch先走～

最後一日都係冷烏冬兒童餐～ 仲要係用可愛既Anpanman食物盤架～

Mommy買既魚生飯定食～

離開outlet mall，半個鐘車程就到機場喇～

Yuki同忠記叔叔玩得好開心喎～ 忠記叔叔都幾得小朋友歡心喎～

回程飛機上，空服姐姐俾左份摺紙玩具俾Yuki～ 摺好左個製成品幾咁開心～

是夜十一點終於返到香港喇～

今次去日本，Daddy Mommy覺得Yuki比上次年半前果次再乖左好多～ 今次Daddy Mommy無乜預備娛樂設施俾Yuki，但幾程航班上Yuki都好乖咁無扭計～

另外今次即使係有Ｄ頗長既車程，Yuki亦無扭計唔上車，唔坐car seat～

食同住方面完全配合到Daddy Mommy，有乜食乜～ 自己食搞掂哂～ 瞓覺同起身都無乜特別難度～

亦估唔到Yuki同見得唔算多既忠記叔叔一齊去旅行，居然可以好快咁進入狀態，後期仲好多野同忠記叔叔講，玩得好開心添～

最難忘算係Yuki第一次嘔啦～ 好彩嘔完就無事，對旅程無任何影嚮～

最後真係要多謝忠記叔叔幫我地一家三口影左唔少全家福～

多謝大家追看咁多日既旅程～

好期待下一次既旅程。。。。

＊＊終わり＊＊