日本東北之旅: 仙台>角館>秋田 (8月5日)

行程第二日，我地去左酒店附近既coffee shop食早餐～

普通既一間coffee shop，整出黎既latte都有樹葉latte art喎～

經過呢間Lotteria漢堡包店，有得買由四層至十層任君選擇既Tower Cheese Burger呀～ 價錢由460円至990円～ 今次旅程無機會試，希望下次去日本有機會一試喇～

食過早餐我地就驅車出發到下一個目的地：角館

角館有小京都之稱（全日本有５０個地方被稱為小京都）

先搵間餐廳醫下肚仔先喇～ 榻榻米座位呀，Yuki至愛呀～ 睇下幾開心！

由呢餐開始，Yuki就對呢Ｄ冷麵／冷烏冬著左迷，之後幾日食左無數次～ 又難怪既，因為咁熱既天氣，食凍既麵舒服Ｄ嘛～

Daddy呢個係叫比內地雞親子飯～ 據講呢種雞係日本三大出名好味既雞既其中一種～ Yummy～

跟住我地出發去角館另一個景點～ 下面呢架就係今次旅行陪住我地七日既車喇～ Mazda5～

係角館裏面有一條街仲保留住好多十七世紀既武家建築～

 

有D唔使俾錢，有D要俾錢入去～ 亦有一D已經變為商店喇～

軟雪糕again～ 呢個係期間限定既芒果味～

下面呢間係專賣稻庭烏冬既舖頭～

果Ｄ掛哂係度既就係晾乾緊既稻庭烏冬喇～

好，出發去下一站：秋田

因為秋田既住宿實在太緊張喇，所以我地衹可以住左一間比較舊既旅館，不過間和室就好大下～

放好行李後，我地向秋田既最大祭典進發～ Yes！ 秋田竿燈祭呀～

未天黑已經好多人霸哂路邊既位置，好多仲帶埋凳仔添～

巡遊正式開始喇～ 先由一班嬸嬸表演毛巾舞～

跟住到花車同竿燈出場喇～ 每間公司都有架車同竿燈，而每間公司既人有Ｄ拉車，有Ｄ吹笛，有Ｄ打鼓，當然仲有人負責舉竿燈喇～

去過日本既朋友，一定識得呢間係乜野喇～

知唔知我個燈籠係邊度黎既呢？ 係有個巡遊叔叔經過專登借俾我影相架～

一齊舉高哂既竿燈，成條街望落去都係，都幾精彩～

呢個哥哥單手就舉起支竿燈喇～ 除左用手，佢地仲會用額頭，膊頭，腰黎頂竿燈架～

睇完竿燈，第二日行程告一段落，返旅館休息啦～