一早離開秋田，又再驅車往下一個縣市弘前進發～
中途經過一間超大既超市：ITOKU 基本上好似一間百貨公司咁大呀～
個Kids Corner仲有Anpanman呀～
去到圖書區，Yuki又即刻埋首拎Ｄ Anpanman同公主書慢慢細閱～
再行左一段車程，差不多到食午餐時間～ 剛巧經過大館市又搵一間日式餐廳食野囉～
これはパパ大好きの天ぷら!(Daddy最鍾意食既天婦羅呀)
これは雪大好きのざるそば～(Yuki最鍾意食既冷麵呀)
食飽喇～ 影下相，幫後面既啤酒賣下廣告先～
繼續起程喇～ 下一站係任摘果園：森の中の果樹園
成人１０００円，小朋友５００円～ 不過收錢個姨姨話咁熱我地都黎，唔使收Yuki錢既呢～
八月呢個時候都有三四種水果當造任摘：有藍莓，蜜桃，士多啤梨，梅～
睇下Ｄ藍莓幾靚，密麻麻架～
藍莓既高度最適合小朋友，一伸手就可以自己摘到架～
跟住行過幾步就到桃樹喇～ 因為桃樹高好多，所以要Daddy Mommy先摘到架～
係香港已經好鍾意食水蜜桃既Yuki，自己都食左好似一兩個水蜜桃呀～
再落黎去摘士多啤梨喇～ 呢個果園既士多啤梨唔同香港既士多啤梨，呢度係將Ｄ士多啤梨種係個架上面，唔使踎低黎摘架～
不過呢個溫室好熱呀，有成３８度呀～
最後就係摘梅喇，英文係Honey Heart Plum～ 呢Ｄ樹又係好高架～ 今次要騎膊馬先摘到呀～ Daddy你要將我升高少少先得呀～
好味呀～ おいしい～
摘完去返入口果度飲返Ｄ冰麥茶～ 果園亦都有Ｄ水果可以俾人買返去～
Ｄ水蜜桃要３００円一個架～ 食三個都差唔多返本架喇～
果園有Ｄ姨姨將Ｄ最靚既水果放入箱裏面，呢Ｄ紙箱我地係香港既Apita同吉之島既水果部成日都見到架～ 唔知呢幾箱會唔會係Apita見到佢地呢？
摘完水果～ 我地就入弘前市Check-in呢晚住既酒店～
稍為梳洗，我地就出發去睇今晚既青森ねぶた祭り～
原來弘前市都有ねぶた祭り架～ 酒店隔離條街已經泊好哂Ｄ車喇～
本來都有諗過不如就咁係弘前睇算喇，因為由弘前搭ＪＲ去青森都要成半個鐘至一個鐘架～ 但係Daddy話一場黎到東北，應該要去睇最具規模既青森ねぶた祭り先得～
行去弘前ＪＲ站都要１５分鐘～ 沿途有好多人又係霸哂位準備睇夜晚既巡遊～
最犀利就係佢地會用封箱膠紙畫個位出黎霸位～ 仲要可以用封箱膠紙整Ｄ字出黎，唔怕認錯架～
弘前ＪＲ站入面有Ｄねぶた既佈置可以影相喎～
ＪＲ沿途見到好多著住日本浴衣既人一路上車，個身度仲會扣好多鋃鋃架～ 去到青森站落車～ 睇下幾咁多人～
離遠跟隨人朝漸漸行近會場，開始聽到Ｄ鼓聲喇～
見到喇～ 原來咁多個人一齊打鼓，唔怪之得Ｄ鼓聲咁震撼喇～
呢度既路邊已經坐滿哂人，完全無辦法坐低～ 不過企係後面睇完全無問題，因為坐係路邊既人係唔會企起身，所以我地企係佢地後面可以睇得好清楚架～ 不過Yuki就要抱起先睇到喇～
青森呢度既花車靚過弘前果邊架～ 係立体既公仔，全部油左好靚既顏色～ 仲要好多人一齊推郁架～
Yuki唔夠高有乜辦法？ 騎膊馬咪睇得好清楚囉～
Mommy抱起都睇得清楚架～
呢組係Daddy鍾意既啤酒品牌Asahi朝日啤酒呀～
ＪＲ既花車～ 順便宣傳今年１２月４日有東北新幹線既新青森站呀～
睇下呢組有幾多小朋友帶頭！ 原來咁多人著哂日式浴衣係因為咁樣就可以走出去任何一組花車跟住Ｄ人一齊巡遊架～
雖然話ねぶた祭り連續幾日都有，但係都係好多人喎～ 所以我地幾個月前都訂唔到青森既酒店～ 要住隔離既弘前市囉～
呢Ｄ就係每一組跟住Ｄ花車既鼓車喇～ 氣勢真係又同秋田竿燈祭各有千秋架～
大家如果諗住暑假黎日本東北，真係可以考慮八月頭黎，咁就可以有機會睇到咁有特色既東北祭り喇～
拜拜喇青森ねぶた祭～
沒有留言:
發佈留言