親子體操日2011

今年既親子體操匯演，Mommy一早攞左假，Daddy亦在最後都攞左假～ 其實Daddy呢半日假係還返俾Yuki一月果陣陪Daddy去行百萬行既～ 嘻嘻，有來有往嘛～

未去禮堂之前，老師先叫同學於班房裏面作最後綵排練習～ 之前係屋企見Yuki練習不少，宜家見到足本版，原來都唔少動作喎～

到達禮堂，家長座位安排於一端，小朋友進場於另一邊，好遠呀～ Yuki好好眼喎搵到Daddy Mommy，唔知大家睇唔睇到Yuki呢?

開始表演，先黎一個全部班別一齊做體操，全部老師亦一齊做～

然後到每一班既表演喇～ 當K3既小朋友表演緊，K2既Yuki行出黎準備喇～

開始喇～ 請細心欣賞～

去到最後一段，邀請埋Mommy們進場一齊跟小朋友做體操～

話咁快，九個班別既小朋友都表演完畢～ Yuki同兩個同學仔離開學校仲唔捨得放低個啦啦球～ 三個小妹妹係街上又唱又跳，引來路人好奇既目光～ 佢地一於少理，一路唱左幾條街～ 哈哈!

年少天真多好～