Good Friday @ Ocean Park

復活節公眾假期的開始，估唔到海洋公園咁多人~

連新既停車場都泊滿哂~ 要泊返舊果個巴士廠空地~

 

Yuki本來帶頂帽去，但係原來已經唔夠大喇~ 所以有人可以喺Ocean Park買左頂新 Cap帽~

宜家Yuki原來已經同Arthur差唔多高喇喎~

 


今日人實在太多喇，搭纜車既人龍太長，我地決定搭海洋列車上山~

 

今日既人朝仲係本地人為主，唔多見有旅行團既人喎~ 食野既餐廳亦如是~ 等左幾個字先有位~ 好彩兩個小朋友都好合作自己乖乖地食野~

有時不得不佩服小朋友架~ 喺度玩住個無入錢既船船同車車都可以玩到真既一樣~

我地見所有嘢都要排咁耐隊，反而有一個「小小環保廚神」唔使排隊，登記左拎張飛夠鐘返黎就有得玩喇~

每一場可以容納十數個小朋友玩~ 父母可以陪埋一齊玩架！

 

姐姐開始講解喇, Yuki專心聽書~ 食物原來都有分環保食物架~ 綠色類别表示呢啲食物用環保既種植或養植方法，又唔算就黎絕種。 黃色類别就相對地剩餘較少數量，可以的話就選擇其他代替品~。例如三文魚就可以選擇美國既，挪威既三文魚已經愈黎愈少架喇~

 

全部小廚師都出哂黎睇大廚師煮嘢食呀~

將頂廚師帽打橫戴變成小護士喇~

 

到小朋友開始做喇~ 喺塊大曲奇餅上面用朱古力畫熊貓~

 

攪掂！

 

兩個坐埋一架小丑旋風會點呢？

咪就爭住要㩒掣囉~ 下次都係一人一架好啲喇~

 

經過雀鳥園，見到原來有條路可以行上去，成個亞馬遜森林，仲有條吊橋~

 

呢個月係高清動物月，記得同呢啲海洋動物影下相喇~

 

最後臨走行埋大熊貓館，安安就好乖咁密密食~

 

佳佳就得意喇! 攤左喺度好似我地攤係梳化咁~ 好歎呀~

 

相信下次去可能有下水禮架喇~