對小孩的承諾，對自己的承諾～
前一晚Daddy同Yuki約定左第二朝check-out之前要去泳池游多一次水～
朝早Daddy叫Yuki起身，Yuki好快就合作地起身梳洗～
落到泳池都未夠八點，俾我地包哂場喇～ 呢幅相睇得比較清楚泳池既全貎喇～
Checkout房間，寄存好行李，我地繼續最後呢大半天既行程～
黎到新加坡，一定要去探下魚尾獅，榴槤劇院，同最新既屋頂船酒店喇～
從酒店慢慢行過去，一路影下新加坡河兩岸既風景～
見到喇～ 金沙酒店呀～ 一艘船係三座大廈上面～
終於都見到魚尾獅/Merlion喇～ 同Mommy影幅相先～ 咦咦咦～ 點解條魚尾獅好似縮左水既?
其實係因為真正既魚尾獅呢兩個月俾人包起左～ 係真真正正咁「包」住左～ 就係後面紅色果個建築物喇～ 佢暫時變左一間酒店，可以俾人租黎住既酒店房一間～ 見唔到Merlion都無辦法喇～
仲有榴槤劇院係度呀～
午飯時間，食乜好呢? 黎左新加坡呢幾日～ 大部份想食／應食既野都食左～ 仲爭一兩樣… 其一就係海南雞飯～
跟旅遊書既介紹，去左逸群雞飯～
先黎半隻海南雞～ Ｄ雞好滑好好味～
跟住另一招牌菜，茄汁豬扒，上枱時Ｄ外皮仲脆架～
食過午餐，作最後衝剌喇～ 飛的士去烏節路/Orchard Road新商場ION Orchard~
呢個新商場地庫Food court果層有齊斑蘭蛋糕同林志源肉乾～ 買手信唔使周圍撲喇～ Yuki去到Bengawan Solo第一樣見到既唔係斑蘭蛋糕，而係手上拎住呢張迪士尼公主既生日蛋糕catalogue～ 仲講定埋五歲生日想要邊一個～ 哈哈～
行埋呢度，係時候要返酒店拎返Ｄ行李去機場喇～
但係Daddy話仲有一樣野點都要Mommy食埋先走喎～
就係亞坤Kaya多士喇～ 好彩酒店隔離個商場又有喎～ 食埋呢樣就完美喇，今次真係食得滿足喇～
Yuki對今次旅程滿意嗎? OK～ 咁上機返香港喇～
於機上得到最後一份旅行既禮物，空中姐姐送既Toy Story玩具包～ 好專心地油顏色既Yuki～
總括呢次新加坡之旅，多謝天公造美，除左落機一刻之後都無落過雨～ 其他食住行方面都算滿意～
期待下一次既旅行….唔知會去邊呢?
看來 Yuki 這次玩的很開心噢！
回覆刪除