粟米片同麥片種類都好多㗎〜 Yuki話未試過咁樣扭啲粟米片落嚟㗎～
其他都有基本嘅煙肉、腸仔、奄列咁喇〜
食飽早餐就準備出發去今日嘅半天團喇〜
通常呢啲團都會包埋酒店接送，唔使自己揸車㗎〜 Yuki同Mommy已經喺大堂準備好喇〜
司機叔叔準時到達，上車時仲有啲其他外籍遊客喎〜
車程大約要四十五分鐘〜
嗱！下面紅色呢啲就係布吉另一種交通工具：兩排車〜 不過因為我哋自己租咗車，所以一次都無坐過〜
終於都嚟到Siam Safari嘞！
Siam Safari嘅範圍有成個山頭咁大〜
我哋㨂選呢間嘅其中一個原因係因為佢哋對於保育大象非常認真。 仲得到泰國政府同唔少國際獎項，支持佢哋對大象嘅保育〜
純自願性嘅捐款，用嚟支助搵獸醫幫大象定時做身體檢查，同營運大象醫院〜
半日遊第一項活動係elephant trekking半個鐘〜 喺騎大象之前，先聽導遊姐姐講解一下大象喺泰國嘅情形同一陣要注意嘅地方〜
每隻大象背脊都有張椅〜 好彩Yuki仲細，我哋可以兩個大人加一個小朋友咁一齊坐〜 Yuki再大個啲我哋就要分開坐㗎喇〜
出發！
為數十隻以上嘅大象排哂隊咁行山〜 坐落感覺幾特別〜
嘩！ 見到個海呀！
好！ 影返幅連埋大象全身嘅合照先〜 唔該哂你呀！
騎完大象，仲可以買返籃香蕉餵佢哋㗎〜
Yuki第一次咁近距離餵咁大隻嘅動物，有少少驚，不過都OK喇〜
睇片！
呢度唔單止對大象重視，對照顧佢哋嘅訓練員都幾認真㗎〜 每個組合都有張相介紹佢哋嘅樣同資料〜
騎完象之後仲有其他嘅節目喎：睇採橡膠、煮咖哩、整椰子、飲泰式咖啡〜
啲橡膠樹每日可以切一條斜痕俾啲橡膠液流落個收隻杯度〜 右邊個姨姨頭頂有支爉燭燈〜 因為佢哋通常係夜晚做呢樣嘢㗎〜
跟住到睇小象表演〜 佢哋又識畫畫，又識踢波，又識吹口琴〜 真係多才多藝呀！
兩隻小象，你哋嘅表演好精彩呀〜
然後嚟到另一邊學整泰式咖哩〜 啲檸檬葉揰爛咗就有好香嘅泰式咖哩味㗎喇〜
係喎〜 爭啲唔記得仲有得坐水牛車呀〜
啲水牛力大無窮，拉住啲犁不費氣力咁就反開哂啲泥〜
稍事休息，坐低飲杯泰式咖啡，食泰式甜品〜
呢位就係我啲今日嘅導遊：Ma
另外呢位叔叔成日同Yuki玩㗎〜
半日行程最後一項係坐船食自助午餐〜 不過就要再坐車去碼頭先！
呢程我哋特登搭呢架無冷氣嘅Siam Safari兩排車，感受下先！
到咗碼頭仲有條咁長嘅路出去落船嘅位置呀！望都望唔到盡頭喎...
原來再有另一架車載我哋出去嘅〜 出到嚟見到啲海水好清、好靚呀！
食物有泰式咖哩、炒河、炒菜、白飯、炸魚〜 都幾好味㗎！
最開心就係可以一路食嘢、一路睇到Chalong Bay嘅景色〜
嘩！Yuki學埋揸船添喎〜
成個船程來回一個鐘左右，Yuki非常享受呢程船河喎〜
船河完畢就送返我哋返酒店嘞〜
Day 2其他活動下篇再講! Stay tuned!
沒有留言:
發佈留言