布吉遊－Day 5 (8/30): ATV越野車

今日安排咗一個半天嘅行程～

我哋會騎剌激嘅越野車(ATV-All Terrain Vehicle)呀! 

約一個鐘左右嘅車程就嚟到呢個Phuket ATV場地喇!

先俾大家坐下，稍為休息一下～　有凍毛巾同凍水供應～

跟住就要開始做安全措施喇～　

先除低自己對鞋～　換上場地供應嘅膠鞋～　唔係驚我哋啲鞋唔夠保護，而係驚整污槽我哋自己嘅鞋啫～　　另外再戴上頭盔，同戴埋手套就可以準備出發喇～

好彩Yuki仲細，可以同Daddy坐埋一架車～　Yeah!

對鏡頭敏感嘅Yuki一見到有人影緊video就笑哂咁舉V喇！

揸下揸下，我哋去咗個海灘邊～　因為我哋係報咗兩個鐘果種package，我哋仲可以泊低架車行落沙灘添～　呢度係布吉島向東嘅海面～　平時旅遊區嘅海灘主要係向西面～

呢邊嘅海灘好多海產～　隨手都可以喺沙灘上面搵到啲海洋生物～　就好似呢隻蟹仔，隻鉗幾大隻？！

玩完兩個鐘喇～　返到去基地，枱面已經放好咗我哋玩緊果陣啲相同ＤＶＤ呀～　幾高效率呀！

後面仲有水果同汽水，好豐富呀！

玩完又返酒店～　轉個頭出發食晏喇～

我哋今日又去返芭東海灘一帶搵嘢食～　　

揸咗㗎車去芭東海灘，啱啱好有架泊喺錶位嘅車走喎，好嘢！

我哋一早喺網上搵咗呢間意大利餐廳，喺一條橫街入面～

呢間舖頭喺Trip Adivsor都唔少好評㗎～　２０１２年仲攞過Trip Advisor嘅獎添㗎～

今日午餐少少哋食個長通粉同一個pizza！

一場泊停架車喺芭東海灘側邊，食完嘢落沙灘行下，到此一遊喇～

個沙灘有人玩快艇拉降落傘㗎～　

Yuki係都要行落水整濕對腳，Mommy一於唔理，睇下企喺幾遠嘅後面？　哈哈！

去開沙灘，順帶去埋我哋住嘅Centara Grand Beach Resort所在嘅Karon beach喇！

酒店有自己大約幾十米濶嘅私家海灘～　住客仲有以借呢啲body board出去玩添～

可惜都係紅旗～　落唔到水！

不過唔記要～　因為我哋定呢間酒店最大嘅目的並唔係個海灘～　而係酒店有自己嘅Lazy river呀！

一人一個水泡又得～　兩個人一個水泡都得～

哎呀！Yuki飄走咗呀！　快啲伸手出嚟拉住Mommy喇～

玩左一個鐘左右，快啲返房準備下一項活動喇～　

就係去酒店個SPA享受２０分鐘送嘅頭肩按摩～

個環境係咪好靚呢？　呢度係等候區咋～

真正按摩嘅地方係另一間房～　都係有按摩床，好認真～　並無因為係送嘅服務而求求其其～　袛讚！　

按完返出嚟，仲有得坐返喺等候室慢慢嘆返杯茶添～　Yuki好乖幫我哋影咗張靚相添～

按摩完呢廿分鐘，Daddy Mommy再去帆船商場再按咗兩個鐘泰式按摩～　多得Yuki好乖咁一路玩iPad一路等我哋，兩個鐘好快就過咗～

做完按摩出嚟九點幾～　無乜嘢好食～　最後玩咗啲外賣，就返酒店食今晚嘅掃街晚餐～

當中包括好味嘅香蕉班戟～　另外有燒雞肶、魚蛋河、豬手飯～

好快趣，今晚係布吉最後一晚喇～　聽日要返香港喇！