不在香港的日子～

Daddy第一次係Yuki個blog用番Daddy既身份親自提筆，今次又因為工作關係，要黎印度九日。

好耐未試過要出黎超過一個禮拜啦～

今次我地選擇搭馬航，經吉隆波轉機，不過要轉機要等成五個鐘。

我同另外兩個同事就諗住既然咁多個鐘就出KL行下喇，之前上網搵過佢既機場快線可以出去市中心，一心諗住係去到KLCC̣̣̣̣(即雙子塔)。　點知到落車果陣先發覺原來祗係去到一個叫KL Sentral既站。　無辦法喇，再轉車去KLCC可能又要成半個鐘，計落唔係好夠時間，所以就咁搵左個Food Court草草食左餐晏就搭番快線番機場～　繼續剩低既五個鐘機程往孟買～

機程途中望出窗外，見到有Ｄ好靚既島，即刻拎架相機出黎影低先～　我諗Ｄ島都無人會去到，島中間都仲好似有Ｄ水添～

今日已經黎到第三日，之前兩晚分別都做到成11PM同1AM，希望今晚唔使咁晏啦～

Yuki～　你今個weekend開心嘛？　上堂同去街街記得要聽Mommy話呀～