星馬遊進入第三日～ 今日係其中一個重頭戲：環球影城 Universal Studio Singapore
住喺聖淘沙其中一個好處就係入Universal Studio都唔使搭車～ 由酒店行過嚟食完早餐，行返上地面就係嘞～
喺本地旅行社買定飛另一好處係入場唔使再排隊買飛～
壞蛋獎門人呀！
一入場第一樣先玩呢樣甚獲好評嘅變形金剛～ 因為再晏啲會好多人排隊㗎～
入嚟環球影城玩，強烈推薦加錢買Universal Express Pass～ 因為真係可以慳返唔少時間～每個項目隨隨便便都可以慳半個鐘至一個鐘排隊時間～ 假設你用佢嚟玩到五樣嘢已經等於呢日慳咗三四個鐘唔使排隊～ 時間就是金錢吖嘛！
嗱！Express Pass入到嚟已經係臨上車個位㗎喇～ 比起迪士尼拎個啲Fast Pass更正！ 不過當然喇，呢隻要收你錢，迪士尼Fast Pass不另收費嘅～
Yuki其實幾驚玩呢個變形金剛～ 佢話入嚟陪Daddy玩～ 佢會全程遮住對眼喎～
幾分鐘嘅變形金剛咁快就玩完～
好剌激！好好睇！好好玩！
果然名不虛傳呢～ TRANSFORMERS The Ride! Very GOOD!
Yuki陪完Daddy Mommy玩～ 跟住到陪下爺爺嫲嫲喇～
呢個Treasure Hunter適合任何年齡～
Yuki坐司機位幾咁興奮！
沿途跟住路軌行，梗係唔使Yuki揸喇～
Welcome back Treasure Hunters!
下面呢啲壓銅幣機～ Daddy以前細個去旅行都有玩過～ Yuki上次嚟果陣細個未識要玩～ 今次嚟大個咗，識得要Daddy俾佢入錢玩喇～
自己轉出嚟果下睇得出Yuki好緊張、又好興奮咁即刻拎嚟睇～
另一個新嘅景點就係馬達加斯加版嘅小小世界坐船仔嘞～
哎喲～ Daddy呢幅selfie到底影我哋定係影前面乘客嘅背脊呢？
然後又嚟可以同爺爺嫲嫲一齊玩嘅馬達加斯加旋轉木馬呀～
睇下Yuki兩隻手都唔扶住～ 好彩其實未開始啫！
跟住呢個機動遊戲就犀利囉～ Daddy Mommy將自己嘅Express pass俾埋家姐同Yuki玩多次～
呢個就係Yuki好鍾意嘅小型過山車喇～
話咁快就玩完一次～ 飛奔咁跑返入去玩第二次～ 個鏡頭爭啲追唔到Yuki呀～
第二次Daddy有準備啲，終於都影到Yuki同家姐喇～ 佢哋就喺第二排度囉～
Hello, Yuki! 嘿～ 都算對鏡頭敏感喎～ Daddy喺外面都俾Yuki見得到～
呢日嘅午餐我哋都係喺USS裏面解決～ 雖然都有啲人話可以離開園區去外面食嘢～ 但係一出一入計落啲時間都嘥幾多～ 所以最後都係喺USS嘅餐店食晏～
又估唔到啲食物都幾好喎～ 我哋食咗叻沙、海南雞飯、燒雞飯、雲吞麵、炒面～
食飽晏～ 兩姊妹拎住相機嚟睇相都睇得咁開心～ 唔知笑咩呢？
為咗玩跟住呢個侏儸紀研究船，我哋仲特登預先喺便利店買咗雨褸添～
四年前玩果次玩完成身濕哂呀～ 今次會點呢？
請緊握扶手～ 大家準備好喇！
最後當然無濕到喇～
跟住再喺呢個室內迷你摩天輪玩咗陣～
出返去個天竟然黑哂呀！
跟住仲落埋雨添～ 仲要係好大雨果隻喎～
喺candy shop避下雨順便睇下有咩買喇～ 好得意，不同造型嘅M&M公仔呀～
最後都獎咗支波板糖俾Yuki~
雨～ 繼續不停咁落～ 我哋等多一陣決定走人～ 向我哋呢日嘅第二個行程進發～
沒有留言:
發佈留言