2014妙高赤倉滑雪之旅 (12月25日)

第二朝一早醒來～　外面成地都係雪～　普普通通嘅街道都有啲滑雪場嘅feel呀～

我哋住呢間高原酒店對山（高原ホテル対山）包一泊兩食～　即係包早餐同晚餐～　

今日喺聖誔節～　居然好少人～　成個食早餐嘅地方幾乎俾我哋九個人包哂～　另外袛係得另一個一家三口香港人family～

Yuki呢朝起身唔算好乖～　但係都第一個落到嚟食早餐喎～　嘻嘻～

日本傳統早餐～　係要食飯嘅～　另外，唔知點解成日都要食果啲連皮燒嘅魚～　除咗條魚，其他嘢都OK嘅～　起碼有Yuki好鍾意嘅厚燒玉子同日式魚蛋片，另外加埋紫菜包白飯已經搞掂～

食完早餐大家返房換滑雪服～　Daddy Mommy就要嘆返兩罐咖啡先～

上年喺日本網上訂購俾Yuki嘅呢套滑雪裝真係好抵～　今年著都仲有長～　睇嚟可以再著多兩三年！

換好哂衫～　出酒店外面感受下啲雪先～　今朝啲雪真係落得幾大呀！

今年因為唔係跟滑雪團，所以另一個要自己處理嘅就係租滑雪用具喇～　我哋因為打算四日滑唔同嘅滑雪場～　所以唔打算喺每一個滑雪場租～

問過酒店女將（老闆娘）～　佢介紹隔離街一間叫青山(青山スポーツ)嘅舖頭專門租雪具～　酒店接待處有張九折coupon，記得要拎埋去～　　

由酒店行過嚟大約五分鐘～

我哋一租租四日，啲雪具每晚可以keep喺酒店～

小朋友換好哂鞋即刻出舖頭門口玩雪～　睇下啲積雪真係閒閒哋都有一米七架～　高過哂三個小朋友幾多～

呢啲舖頭好好服務架～　問咗我哋住邊間酒店，跟住仲幫我哋全部人拎返啲鞋返酒店～　等我哋可以直接著住滑雪鞋同拎嘢直接去滑雪場～

呢！就係好似下面呢啲雪友咁拎住滑雪器材喺街行嘞～

喺大風雪下拎住啲嘢咁行都咪話唔辛苦～　夠哂熱身！

嘩！架汽水機積哂雪～　咁大雪下嘅汽水機其實會唔會唔插電啲飲品仲凍啲呢？　哈哈！

行咗呢段大約一百至二百米嘅距離～　有人要坐低抖抖喇～

想知日本點解咁多雪友鍾意去呢？　就係因為啲雪真係好粉好powder～　Mommy同Yuki一年無玩雪，要即刻瞓身玩雪呀！　隨便街邊一堆雪都可以瞓到陷哂落去～　

行多幾分鐘終於見到我哋第一日想滑嘅場喇－赤倉溫泉滑雪場(赤倉温泉スキー場)～

大家著好ski已經等唔切，想即刻衝喇～

不過今日嘅天氣真係麻麻地～　由着ski到行去第一個lift果度都白矇矇～　大家見到相中有Yuki嗎？

２０１４年嘅第一程lift～

睇下我哋袛係行咗少少一段頭頂就一層雪喇～

呢個滑雪場啲紅色雪道比起上年苗場嘅紅色好似無咁難喎～　

Daddy Mommy都可以算穩穩陣陣地滑到～

可惜太陽厘埋咗～　影啲相袛係一片白矇矇～

四人lift可以夠位影下相～　

上奏滑咗大約兩三個鐘就搵間餐廳食個晏兼休息吓喇～

有無留意到個建築物門口有一大埋雪呀？　原來啲屋頂嘅積雪係會自己跌落嚟架～　

咁好彩俾Daddy影到啱啱有一大堆雪由屋頂跌落嚟～　

所以有小朋友的話記住提醒佢哋唔好喺啲屋簷下玩雪呀！

食飽夠哂力氣！　影張團友合照又嚟下半場喇～　唔該Ethan爸爸揸機，所以呢幅相見唔到佢嘞～

下午天氣繼續咁上下～　所以都無乜興緻影相～

滑到四點左右啲lift都收工喇～　我哋又捧返啲雪具返酒店～

呢啲滑雪區酒店通常都有間房專門俾大家放啲雪具～　唔使拎返房整濕間房嘛～

不過呢間酒店真係歷史悠久～　啲鎖鞋嘅柜全部都係用木造嘅～

換低啲雪具，我哋再出去行吓睇下有咩買～

酒店隔離就有間溫泉饅頭店～　記得有見過網上都有人介紹過～　我哋當然要試下喇～

返到酒店，仲有成個鐘先食晚飯～　夠時間浸埋個溫泉先食飯！

到食飯地方一樣係俾我哋包場～　

我哋三間房嘅三張枱一字排間～　

今晚又係我哋最早落到嚟喎～

晚餐更豐當！有天婦羅、魚生、牛肉鍋～

仲有Yuki最鍾意嘅茶碗蒸～　睇Yuki幾咁開心！

今晚早啲休息～　期待聽日再去另一個雪場！