今日有全日喺東京～ 可以細心遊歷一下Daddy同Yuki六年無嚟過嘅東京喇～ Mommy就無六年咁耐～ 因為Mommy自己中間有嚟過東京嘛～
落街搵地方食個早餐先～
池袋街頭隨拍～
日本人真係好熱心幫人影相㗎～ 有個日本嬸嬸見我哋自己影緊相，又主動話幫我哋一家三口影呀！ 多謝你呀～
搵咗間快餐食個簡單早餐就坐ＪＲ出發往我哋今日第一個景點～
呢個景點係Yuki指定話要嚟㗎～ 就係晴空塔Skytree喇～
前一晚聽細舅父話佢哋嚟要排哂隊買飛～ 所以我哋都已經十點前嚟到喇～
點知都係排哂隊～ 仲要係呢條隊並唔係排買飛即刻入場㗎喎～
呢條隊係排去拎張整理券～ 張整理券話你知幾點再返嚟買飛～ 我哋拎到嘅已經係中午１２：３０嘅時段喇～
中間有成兩個鐘時間～ 週圍行下影下晴空塔喇～
喺對面馬路有個伯伯擺咗架單車喺度～ 車上面整咗個大凸鏡喺度～ 用嚟做乜呢？
就係免費提供俾大家用嚟同晴空塔玩自拍囉！ 另一種嘅自拍神器呀！
如果唔靠呢啲器材又想影到好以下面呢幅相咁影到晴空塔～ 可以點呢？
係喇～ 就係瞓哂身落地幫女model影囉～
Yuki見Daddy咁落力地幫佢影～ 所以都擺返多啲唔同姿勢嚟俾Daddy影喇～
好喇！咁到底下面呢幅咁靚嘅晴空塔合照又係點影嘅呢？ 呢幅真係超靚呀！ 個天又藍！
答案就係又有日本熱心伯伯幫手喇～ 當伯伯見我扒哂地幫Yuki影嘅時候，佢靜雞雞走埋嚟問我哋使唔使幫我哋影～
當我哋俾部相機佢之際，佢又拎咗啲法寶出嚟喎！
一個小紙盒，內藏一塊斜面鏡～ 另外一塊摺埋一舊嘅布～
到底有咩用呢？ 下面幅相就開估喇～
塊布用嚟墊膝頭哥跪地下～ 另外個法寶盒用嚟反射相機背面個顯示透過塊鏡就可以唔使扒地瞓地之下都可以睇得好舒服咁幫大家影到靚相囉～
影到咁上下差不多到１２：３０～ 返上去排隊買飛入場喇～ 每一個時段都係好多人～ 入咗嚟嘅人龍都係好長喎～
排咗半個鐘左右就買到飛，跟住就可以入場搭電梯上去喇～
基本入場券先上３５０Ｍ觀景台～
今日天氣已經算好好，不過都係有啲煙霞～
一場嚟到，天氣又算係好！ 一於上埋４５０Ｍ高嘅天望回廊睇埋喇～ 如果唔係下次都唔知幾時再嚟～ 或者再嚟都未必遇到好天啦～
喺觀景台玩自拍有少少難度添！
可能上到四百幾米高空，距離太陽近啲呢？ 所以都幾曬㗎喎～
咁曬點算呢？咪可以好似Yuki咁拎Mommy個太陽眼鏡戴囉～
上到４５０Ｍ呢個高度，望出任何一邊嘅東京都係一望無際～
望落腳下，感覺更加剌激！ 視野直達地下！
Yuki到底係大膽定唔大膽呢？ 留返俾大家自己諗喇～
俾錢影相位～ 用佢部機影完可以再用大家自己部機又影一幅～
佢果幅清楚睇到背後新年佈置同埋地下玻璃清楚睇到落地下～ 下面自己相機影果張爭好遠呢！ 所以佢果張１５００円都值俾嘅～
遊覽完晴空塔我哋向今日第二個遊覽點進發～
好耐無坐過呢條海鷗線喇～
彩虹橋我哋又嚟喇～
我哋目的地係台場……嘅Legoland Discovery Center～
入場費２２００円一個人～ 橫掂地方唔係太大～ 又唔算平～ 所以決定一大一小入場算嘞～ 咁就Daddy陪Yuki入場兼影相～ Mommy就喺台場行下街喇～
呢個Legoland Discover Center佔地兩層～ 有好多東京縮景風景～
當然包括台場同埋彩虹橋喇～
除咗日景仲有夜景添～
啲夜景燈光做得好靚添喎～
另外有個似迪士尼巴斯光年咁樣射嘢攞分嘅遊戲～ 不過太暗影唔到俾大家睇～
仲有Yuki好鍾意嘅Lego Friends噃～
同Yuki合照呢個叫咩名呢？
去到shop area～ Yuki雙眼發光呀！ 成幅牆都係Lego Friends喎！
Yuki真係記得哂啲產品㗎～ 啱啱行入舖個架有幾盒Lego Friends擺咗喺度～ Yuki同Daddy講話係新架～ 香港未見過㗎～
Daddy以為咁啱香港啲舖佢未必見過喇～
點知喺呢邊嘅貨架見到呢啲真係新發賣產品呀！Yuki好勁呀～
場內仲有啲似香港Playhouse嘅設施～ Yuki都玩咗一陣～ 大約頭尾玩咗兩個鐘我哋就走喇～
Mommy醒起要去台場嘅bills食鬆餅～ 不過要等位呀～
咁呢次到Daddy去行街～ Yuki同Mommy等下位喇～
台場其中一層有成個昭和年代重現嘅商場～
Daddy見到好多童年回憶呀～ 右下角果啲座地電子遊戲機～ 見過的朋友應該有咁上下嘅年紀喇～
終於等到位喇～ 我哋當埋晚飯食～ 整返個漢堡，另外一個招牌鬆餅～
份鬆餅真係好好味呀～ Mommy無介紹錯～
Very YUMMY! Don’t miss it!
臨走影埋個彩虹橋夜景先～
行返ＪＲ站又影下街頭Snapshot～
入到ＪＲ站～ Frozen again?!
…… and again?
真係去到邊都有Frozen呀～
最後一晚喇～ 聽日就要返香港lu~
沒有留言:
發佈留言