2014妙高赤倉滑雪之旅 (12月27日)

今日一瞓醒望下窗外，終於無落雪喇～

仲隱約見到啲陽光添噃～　好嘢！

不過雖然宜家無落雪，但係睇啲車上面嘅積雪，尋晚都應該落過幾大嘅雪下～　睇下車頂啲雪有成呎厚㗎～

呢邊有啲住客要揸車出去之前先要幫架車掃走車頂同車身啲積雪～

踏入滑雪第三天～　我哋今日去遠少少嘅池之平溫泉滑雪場（池の平温泉スキー場）～　

搭１５分鐘左右嘅巴士就到喇～

我哋當然例牌地要買１日券喇～

如果大家鍾意去日本滑雪就有好嘢要益大家嘞～　下面呢個網址有好多日本滑雪場嘅優惠券～

http://www.snownavi.jp/　

記住一定要印出嚟先用得，唔可以就咁用電話show幅相㗎～

下面呢張兩大一小優惠券等於約七五折呀！　另外有啲場兼送餐券～

咁多著數，係咪好開心呢？

由於今日開始係日本元旦長假期前一個週末嘅開始，所以多咗好多人呀！　排隊等lift條人龍幾長～

上到山～　依然落緊雪～　雖然無早兩日咁大雪，但都係白矇矇～　唔好理咁多～　最緊要有得滑！　

隱約見到太陽伯伯喺厚厚嘅雲後面～　希望佢快啲出嚟喇～

我哋每滑一段就會停低一陣～　等大家唔好走散得太遠～　尤其是落緊雪的話，視野唔係咁好～　隔得太遠驚走散～　

望住咁大個斜面，我哋今年唔再驚喇～　除咗Yuki本身舊年已經滑到紅色～　今年連Daddy Mommy都征服到紅色雪道～　無乜跌㗎喇～

連影起相嚟都輕鬆自在啲呀～

接近中午，太陽伯伯開始出嚟喇～　Yeah!

等我哋食個晏再滑喇～

滑雪場通常無論係山腳、山中間或者山頂都會有好幾間餐廳，等大家唔使特登落返山腳食嘢～

至於食物方面～　絕大部份都係以日式咖喱同拉麵為主～　

我哋差不多每日都係食咖喱吉列豬扒飯～　又好味又暖身～

Yuki每日都自己食一個大人份量嘅飯㗎～

食完飯出嚟～　啲雲散哂，個天藍哂～　好正呀！

終於都可以影到啲藍天白雪陽光相喇～

咁先似係滑雪之旅㗎嘛！　最高です！（最正係咁！）

既然好天就要俾多啲靚相大家睇喇～

坐lift上高啲～　望遠啲～

睇下望得幾遠～　呢啲風景真係要親身上到嚟先感受到呀～

一路滑落去～　一路不停咁影相～　簡直唔捨得收埋部相機呀～

搭gondola又可以除鏡影下相喇喎～

三個小朋友一字排開～　繼之前果晚喺lobby玩得好開心，又唱歌咁～

今日繼續熱情高漲～　經常喺度「Haaaaaaay!」  

又向山腳進發～

落完去又搭返lift再上過～　嘻嘻～　呢兩對ski應該唔難估邊個打邊個喇掛～

喺樹叢中捕捉大陽伯伯先～

嗱！對住咁靚嘅景～　真係日日滑都唔厭喇！

送多個全景模式俾大家！

好多謝天公造美，俾我哋今日下奏有咁好嘅天氣～　咁樣就完成咗第三日喇～　各位團友！笑！

返到去酒店未到晚飯前又同Yuki過去搵下creep叔叔先～　

咦！但係個叔叔唔同尋日果個喎～

今日呢個叔叔仲請咗片蛋糕俾Yuki食添～

咁一定要幫叔叔揸住個creep賣下廣告喇～

喺溫泉街有間舖頭外面仲有溫泉蛋賣呀～

全自助式～　１００円一個～

呢度啲溫泉水賣點係源泉出嚟～　不加熱～　不加水㗎～

聽日就係呢次滑雪之旅嘅最後一日滑雪喇～　希望繼續好天喇！